leyndarmál

2007-09-03T17:46:00.000-07:00

2007-05-15T02:53:00.000-07:00

ég hlustaði og horfði mikið á umræður stjórnmálamanna fyrir kosningar
í fyrstu notuðu d-listamenn lang flestir alltaf orðið "kaupmáttur" í ræðum sínum og athugasemdum, það var lykilorðið sem opnaði fyrir þeim skrárnar að hjarta kjósandans
svo hlustaði ég betur á það sem fólk í d hafði að segja
þau töluðu um að þau hefðu gert ísland samkeppnishæft og þeim sé að þakka útrásin í íslensku efnahagslífi
þá gleyma þau að hugsa um samhengið í heiminum og alþjóðavæðinguna, og auðmjúk kona spyr sig:
þakkar d-listinn sjálfum sér fyrir internetið, veraldarvefinn, lágflugfélögin sem alls staðar hafa verið stofnuð um heim allan og hafa fært fólk nær hvert öðru, þakkar d-listinn sjálfum sér fyrir e.s.s. samninginn og evrópubandalagið, og globalíseisjón og þá möguleika sem íslendingar eiga í útlöndum núna en áttu ekki fyrir 20 árum? t.d. bara afþví að það er hægt að vera með síma í vasanum og fara í buxunum sínum út um allar trissur, er þessi alþjóðlega þróun og samkeppnishæfni íslands d-listanum að þakka?
þeir í d eru heppnir að hafa ráðið hér [lögum og lofum] og farið með stjórnartauma landsins á þessu útvíkkanlega tímabili í heimssögunni
svo skil ég ekki alveg þetta með að hafa gert ísland samkeppnishæft, ég sé ekki að það sé samkeppnishæft - við hvað?
fyrir gamalli prestfrú virkar það sem svo að tónlistarkonan björk hafi verið frumkvöðull íslenskrar útrásar, það var hún sem plægði akurinn, svo steig bisness fólkið skrefið á eftir henni, kannski af því að það hafði hana sem fyrirmynd, og ég efast ekki um það, hún hafi örvað samkeppnisandann og ert metnaðargirnd íslenskra bisnessmanna og startað þessari útrás, kveikt á möguleikanum

samgöngur og minjagripir

2007-04-25T03:13:00.000-07:00

góðan dag kæru landsmenn. það vill svo til að ég hef hugsað mikið um framtíðarmöguleika suðurlands. kjördæmið sem björgvin, bjarni, ásta, tveir árnar, atli, bjóða sig fram í hver fyrir sinn flokk. t.d. er svæðið fyrir sunnan hveragerði slétt og upplagt fyrir flugvöll eða háhýsahverfi, háhýsaborg. svo ættu fangarnir á litla hrauni að stofna minjagripaverslun og selja í búðinni minjagripi sem þeir tálga, smíða, prjóna og hanna. ég sé fyrir mér að þeir gætu ofið falleg náttföt sem myndu verða vinsæl. hver vill ekki sofa í fanganáttfötum. ég held að minjagripaverslun á litla hrauni geti komið með tekjur í héraðið og gert fangana að betri mönnum.

þá hef ég enn fremur verið að hugsa um samgöngur á stórreykjavíkursvæðinu. það er eins og suðurgatan í núverandi mynd endi snubbótt útí skerjafirði en hér endaði hún ekki í gamla daga útí fjöru heldur hélt fólk áfram með bátum yfir á álftanes - og hvers vegna þá ekki að búa til jarðgöng undir skerjafjörðin útá álftanes í beinu framhaldi við suðurgötuna - eða brú - og stytta þarmeð leiðina til keflavíkur, því svo væri hægt að búa til jarðgöng, eða brú, skipabrú yrði það að vera, frá álftanesi yfir á hvaleyrina í hafnarfirði eða bara langleiðina í straum og stytta þar með enn frekar leiðina til keflavíkur - og keflavíkurflugvallar - því það er vitað mál að leiðina á flugvöllinn verður að stytta, og þá má heldur ekki gleyma þessari góðu hugmynd að hafa hraðskreyða lest frá keflavíkurflugvelli til reykjavíkur.

svo er hægt að bæta við jarðgöngum á hinn enda suðurgötunnar, það er að segja að byggja frá hafnarsvæði miðborgarinnar jarðgöng yfir á kjalarnesið.

bless að sinni

orð í gótóttan belg

2007-04-24T05:00:00.000-07:00

ég var að spá í að kannski er stjórnmálafólkið feimið við að ræða íraksmálið, því þetta stríð fer fyrir brjóstið á öllum og kannski finnst fólkinu erfitt að tala um það fyrir framan sjónvarpsvélarnar, því það kremur svo í því hjartað þetta mál, og þá er betra að þegja en að fara að væta hvarmana eða sýna sorg á tímum sem annars eru svo bjartsýnir og hlaðnir fjárhagslegri velgegni og miklum framtíðarlegum tækifærum og gylliboðum sem betra er að festa einbeitingu sína við, og þá er skiljanlegt að stjórnmálafólkið haldi haus og ræði ekki harmþunga atburðina frá írak heldur líti björtum augum til framtíðarinnar sem er svo mikið rædd afþví það er enginn framtíð

ísland samþykkir ekki stríð

2007-04-23T09:58:00.000-07:00

eiga stjórnarflokkarnir hér að svara fyrir stuðning þeirra við íraksstríðið í kosningarbaráttunni?
afhverju er ekkert talað um stuðnings íslands við stríðið í írak fyrir þessar kosningar? aðrar kosningar til þings eftir að stríðið hófst?
hverju svara framsóknarflokkurinn og sjálfstæðisflokkurinn?
vill ísland styðja þetta stríð?
á hverjum degi deyja saklausir borgarar í írak, tugum saman
biðjum um frið

2007-04-21T10:23:00.000-07:00

love is hard labour

mynd tekin f. 18 mánuðum

2007-04-21T10:22:00.000-07:00

að tala eins og bloggari

2007-04-20T07:35:00.000-07:00

---

í morgun las ég viðtal við leikkonu sylvíu nætur
það var skrýtið að hún segðist ekki vera eins og
stelpurnar í nylon, að hún fylgdi engum meik-reglum
mér finnst hún hvorki betri né verri en stelpurnar
í nylon, þær eru líka allar sætar, sylvía nótt og
nælon stelpurnar, góð lög sem þær syngja og þær
syngja allar vel, bæði s.n. og n.
ef leikkonan fylgdi ekki meik-reglum, eins og
hún segist eigi gera, mundi hún bara
hafa þættina sína á dönsku eða norsku, því hún
bjó eitt sinn í noregi, og talar örugglega góða
norsku, eða það las ég í viðtalinu um að í noregi
hefði hún búið um hríð
svo skammast hún yfir listamönnum sem sitji á
rassinum og bíði eftir að allt komi upp í hendurnar
á þeim, ég held að það sé gott að fólk sitji á
rassinum, margir mættu sitja á rassinum sem eru
alltaf á þeysispani
en hún er afskaplega hæfileikarík og þarf ekki
að vera að pilla í nylonstelpurnar sem eru líka
að gera góða hluti
þetta eru afskaplega fríðar og góðar stelpur
allt saman
en sylvía ætti ekki að vera eins og bubbi
morthens alltaf að úthúða einhverjum
bjöggi halldórs úthúðar aldrei neinum til dæmis

----

mér þykir afar leitt hér á íslandi hvað fólk
talar illa um framkvæmdarleysi og leti
því leti er dyggð
hér á landi er svo mikill flautugangur
hér mætti meira púður fara í að hugsa

ég segi þetta nú bara til varnar mér og
mínum kollegum letingjunum og
þunglyndissjúklingunum

----

gangi þér vel í útrásinni sylvia night
gangi ykkur vel í útrásinni nylon
gangi þér vel í útrásinni egger með west ham
gangi þér vel í útrásinni garðar cortes thor
gangi þér vel í útrásinni björgúlfur thor
gangi ykkur vel í útrásinni vesturport leikarar
gangi ykkur vel í útrásinni öll sömul
og gangi öllum atvinnumönnunum í handbolta
og fótbolta vel
gangi þér vel í barcelona eiður smári
gangi ykkur vel að kaupa um kaupmannahöfn þið
í einhverju kaupfélagi sem ég man ekki hvað heitir
þess óskum við ykkur innilega við sem
sitjum á rassinum og bíðum eftir að
ríkisstjórnin gefi okkur hunang á snuðin okkar
bleiku og gulu og grænu
við elskum ykkur heitt
við lítum svo á að þið gerið þetta fyrir okkur
til að koma íslandi á kortið
til að gera okkur stolt og glöð
svo okkur finnist að til einhvers sé lifað
góða helgi
góða útrás
lifum heil
ástin kemur frá okkur sem höfum enga peninga
eða list að gefa
við erum bara svona aumingjalegir vitar
sem lýsa ást útí bleksvarta nóttina sem líka
er bleksvört hjá okkur á sumrin
vonandi skilar hún einhverjum auði til þjóðarbúsins
okkar hin tíkarlega
á s t

----

annar sumardagur

2007-04-20T07:23:00.000-07:00

.

þegar ég vaknaði í morgun var ég ekki eins viljug að útbúa
morgunverð eins og ég er alltaf, eins og ég væri orðin
þreytt á að útbúa morgunverðinn, standa í þessu

hresst og ferskt útiloftið baðaði gluggatjöldin
í öllum herbergjunum mínum
þetta loft sem dagurinn bauð upp á geymdi augljóslega
kraft og innblástur
samt var ég treg til að fá mér morgunverð
allt er svo uppibyggilegt alls staðar
allir á leiðinni upp-á-við
sjá fram á fagnaðarvímu sigurgleðinnar einhversstaðar
rétt við sjónmálið
unga fólkið
ljóðskáldin
fólkið sem búið er að berja á svo lengi
er fullt bjartsýni
finnur að allt er að lagast að fara að lagast
í landi tækifæra eða í einhverju öðru speisi
eða einhvers staðar í rassgati
eins og sagt er
samt leit ég ekki hýru auga til morgunverðarins
þó langar mig ekki til að
syngja blús eða gráta ó nó

---

2007-04-20T06:08:00.000-07:00

kannski hittumst við á staðnum með þessu útsýni á og fáum okkur morgunverð

*

2007-04-20T05:42:00.000-07:00

gleðilegt sumar

.

í dag líður mér eins og barni sem er nývaknað og bíður eftir að einhver komi og taki það upp úr vöggunni og það er alveg rólegt því það nennir ekki að grenja, því þykir líka mjög leiðinlegt að grenja þessu barni, það fæddist ekki til að grenja
og þannig líður mér í dag

.

systir mín ætlar að kjósa sjálfstæðisflokkinn
hún segir að það sé vegna þess að hún sé ekki hópsál
hún tilheyri hvorki þjóðflokki né þjóð, eða einhverri klíku eða grúbbu
hún sé ekki grúpppía, hún sé ei - enn - ess taklingur
en ég mun kjósa vinstri græna sama hvað systir mín segir

.

brennt barn forðast brunninn, segja vinstri grænir um alla hina mörgu landsmenn
sem kjósa sama flokk og systir mín
þetta eru því skilaboð mín til hennar þó ég nenni varla að tala í dag
enda er ég ekki búin að læra að tala skv líðan minni er ég barn í vöggu

.

systir mín fór til sálfræðings og nú er hún með mig og mömmu á heilanum

.

ég elska heiminn
þess vegna kýs ég v.g.

systir mín elskar sjálfa sig
þess vegna kýs hún dé

.

bróðir minn elskar mömmu þess vegna kýs hann samfylkinguna

.

best að bíða aðeins lengur í vöggunni - án þess að grenja - einhver kemur og tekur mig upp

.

ég elska heiminn

.

ætli nýfædd börn elski meira heiminn en hinir gömlu
sem sitja við grafarbakkann með litla veiðistöng og
veiða í huganum hugmyndir um framtíðarlandið
- speisið -
hinumeginn grafar

kannski elskar gamalt fólk meira heiminn en hin nýfæddu
og þó spyr ástin ekki um magn, hvor geri meira en hin af ást

allir elska jafnt
það segjum við í vg að minnsta kosti
einhver kemur bráðum og tekur mig upp

.

ástarkveðja frá fyrrverandi frú sem er að fikra sig áfram í heiminum
sem skvísa á lausu

gleðilegt sumar og hafið góðan dag
elskiði heiminn

¿

2007-04-11T12:08:00.000-07:00

---

er leiðinlegt að vera kona og fá skegg
er leiðinlegt að hætta að fara á túr

er gaman að byrja á túr 13 ára
var leiðinlegt frá 0 ára þangað til daginn sem ég fékk blæðingar
var leiðinlegt að vera stelpa

er gaman að vera kelling
er gaman að vera ekki neitt
er gaman að sitja og glápa útum gluggann
er leiðinlegt að vera með skegg

er gaman að borða snúð
er gaman að hlusta á niðinn í vindinum
er leiðinlegt að vera nærbuxnalaus undir pilsinu í roki

halelúja
amen

ég elska að vera nærbuxnalaus annað hvort í buxum eða pilsi og kápu eða úlpu í roki
koma heim og borða snúð

amen
halelúja

svo elska ég krumpaðan þúsund kall
sem ég dreg uppúr buxnavasa mínum
amen, halelúja

ég elska líka barnaraddir í fjarska
berast inn um gluggann
slátt opna gluggans í vindinum
systur mína sem situr og hugsar

halelúja
amen
plís god í love you
amen
halelúja

je suis sans moi
avec le vent
sans toi
libre et pas libre
trés fragile
une vrai être
sans moi
oui oui
quelq´un
amen halelúja

er leiðinlegt að vera kona með skegg?

m e n u

2007-04-11T12:06:00.000-07:00

í kvöld ætla ég að steikja fiskibollur og búa til eggjaköku
í gær var ég með túnfisk, tómata, lauk og kapers

eftir djupa ihugun

2007-04-11T11:38:00.000-07:00

sem fyrrverandi prestfrú segi ég e.f. eftir að hafa hugsað málið í þaula:

eiturlyf eru ofmetin
of mikið er gert úr eiturlyfjum og áhrifum þeirra
sama á við um kynlíf, það er ofmetið og síðan er vanmetið það kynlíf sem við lifum í návistum við vindinn og sólina
eins vanmetum við ímyndunarafl okkar sjálfra og möguleika okkar til að hafa það skemmtilegt án neyslu
neyslu á hinu og þessu - hver kannast ekki við vellíðunina sem því fylgir að kaupa sér poka fullan af bómullarhnoðrum, heilan kassa með hraunbitum, mmmm, stóran poka af sleikibrjóstsykri, fagurgræna rauðvínsflösku, kassa af eplum, fallega sokka, kartöfluflögur, you name it, ljósgrænan brjóstarhaldara

þið vitið
tala ég fyrir daufum eyrum
enginn kemur á síðuna
en svo ég haldi áfram við þulu mína

eiturlyf eru efni fyrir fullorðna fólkið svo það geti haldið áfram að leika sér afþví margir verða svo alvarlegir eftir fermingu, þegar gengið er í fullorðinsmanna tölu, að þeir halda að þeir megi ekki lengur leika sér sem börn og verði hér eftir að stunda grimmt kynlíf, drekka sig botnlaust og stöffa sig með lyfjum afþví fólkinu er bannað að fara á róló
líf fullorðna verður oft alvarleikanum að bráð
ég hef séð stráka breytast í alvörugefna kalla á einni nóttu eftir að fyrsta barn þeirra kemur í heiminn
ábyrgðina þarf ekki að sýna og sanna með alvörugefni eða t.d. líka þunglyndi, eða t.d. reiði
og auðvitað er greið leið útúr álaginu sem þessi alvörugefni gefur manni eiturlyf
til að lyfta upp geðinu sínu

nú segi ég e.f. eftir að hafa hugsað málið í þaula:

það á að lögleiða eiturlyf
fullorðið fólk þarf ekki fóstru, fullorðið fólk passar sig sjálft
fullorðið fólk veit sín takmörk, þekkir sjálft sig, veit hvað er því gott og hvað er því ekki gott og í hversu miklu mæli það getur stundað óhóf án þess að skaðast mikið á því, án þess að deyja í nótt
fullorðið fólk þarf ekki annað fullorðið fólk til að segja sér hvað það eigi að gera, hvað það megi gera og hvað það megi ekki gera
fullorðið fólk ræður sér sjálft og ef það skaðar ekki aðra en sjálft sig er því frjálst að gera allt sem það vill og allt sem það langar

ef eiturlyf eru lögleidd komast neðanjarðarviðskipti upp í birtuna og ljósið

fólk sem finnst gott að leika sér með eiturlyf nokkra daga á ári þarf ekki að líða eins og glæpamönnum, þegar eiturlyf eru lögleg þarf fólk sem þau notar ekki að stíga yfir landamærin sem búið er að strengja á milli löglegs verknaðar og glæpa, og þó það fái sér eiturlyf, til að bæta geðið, eitthvað - hvað kemur okkur við hver ástæðan er fyrir því að fólk fær sér þessi efni - er það ekki glæpafólk og getur gengið að efnunum vísum og án þess að þurfa að hverfa ofan í undirheima
glæpir tengdir eiturlyfjum munu því hverfa og fangelsin munu ekki fyllast af fólki sem steig yfir línuna afþví það þurfti að leika sér með leikföng sem búið er að banna

þeir sem ánetjast eiturlyf, sem er lítil prósenta af mannfólkinu, þurfa ekki að niðurlægja sig og skammast sín fyrir veikleika sína heldur geta sótt sér eiturlyf í apótekum upprétt og stolt
því það er líka betra að laga líf sitt uppréttur og stoltur en að laga það þegar búið er að sparka í mann og útiloka mann frá samfélaginu, henda manni hinumeginn yfir landamærin þarsem búið er að merkja svæðið skástrika það með glæpalit

þetta hef ég allt hugsað í þaula og sérstaklega þarsem ég hef kynnst fjölda fólks í starfi mínu áður fyrr sem prestfrú

lífið er skemmtilegt
það er ekki alvarlegt og þungt
það er jafn létt og vindurinn

(til þess að finna þennan léttleika þurfa sumir að fá sér stundum súpa af víni og sumir þurfa t.d. bara að stinga hausnum útum gluggann - sumir stinga honum inn í bakarofn - sumir þurfa bara að fara í sund, sumir í bíó, sumir að leggja sig og dreyma sig fljúga, sumir að anda djúpt etc etc etc etc léttleikinn fellur aldrei úr gildi léttleikinn hefur milljóntrilljónsilljón birtingarmyndir, allar góðar, jafnvel þær sem nást með áhrifum eiturlyfja, who are we to judge - dæmið eigi og þér munuð dæmdur verða, sagði bróðir okkar allra hann jesú kristur, gleymum ekki orðum þeim)

je t´aime

c´est ne pas une advertisiment

2007-02-01T16:19:00.000-08:00

je suis trés dramatique. je suis une femme avec un corp trés de vivre. je veux faire l´amour avec une homme que ne ha peur, mon mari de veinte ans no me donne amour fond, je suis un peu desolée, j´amie la vie

á íslandi er fólk hætt að prumpa eins mikið og það gerði áður fyrr, civilization

2007-01-23T10:21:00.000-08:00

Það líður að kveldi í stórborginni. Fólk streymir um göturnar kappklætt því úti er skítakalt. Best er að vera með trefil, húfu og vettlinga og klæðast þykkri kápu. Margir vilja það sama: Komast inní hlýjuna, en áður má gjóa augum í augu annarra, daðra lauslega með augnskininu, eða einsog mánaskin sem rennur sér á yfirborði vatns. Frelsisstyttan stendur teinreitt útí ánni og lófar kyndilinn. Fáir virðast hugsa: Ég er frá x- landi, merkilegasta landinu í heiminum og ættin mín er merkilegasta ætt sem fæðst hefur á jörðinni og víst er að ekkert land kemst í hálfkvisti við mitt. En þessar hugsanir eru kannski leynilegastar allra. Það eru himin-himinmörg lönd sem fólk kemur frá, hver staður merkilegri en andskotinn sjálfur.

En hugur ísbúans hvarflar óvart - prógrammerað - austur og norður á bóginn, undir Grænlandstinda og yfir bita af Atlantshafi heim í hlýjunna til mömmu. En þar æðir brennandi heitt vatn í gegnum ofnanna, á boðstólnum eru flatkökur, hangikjöt, pizzur og núðlusúpur. Móðirin glæsileg gengur um í upphlut, enginn eða fáir prumpa í upphlut núorðið eftir að uppskriftin hjá s.s. pylsum var bætt. Mammagóa heldur á rauðri kaffikönnu úr blikki og býður þeim er þiggja sopann. Faðirinn gengur um í þjóðbúningnum sem hæfileikaríki hönnuðurinn teiknaði fyrir þjóðbúningabuxnalaust land hér áður fyrr, en nú er það sem betur fer ekki lengur buxnalaust. Faðirinn kominn í föt sem sóma sér vel við hlið mömmu, heldur á bakka með harðfiski og smjöri. Í smjörklumpinum stendur stoltur smjörhnífur listilega tálgaður í skynsömum handlögnum stúlknalófum en niðri í kjallara sitja þær, sjö átta stelpur og tálga smjörhnífa, kindur, seli, lunda, og litla kalla og kellingar í upphlut. Hér er hlýtt og gott. Hér ríkir friður. Enginn hinna þroskuðu og vel höldnu karla mun stökkva úr boðinu í stígvél og hermannakápu út að skjóta. Þetta er gott og friðsælt land og glófi guðs hefur mótað úr því hrikaleg fjöll, svimandi háa tinda og gljúfur, aflíðandi fagrar hlíðar. Íbúarnir elska það. Þeir sem sitja inní hlýjunni að drekka kaffið og borða harðfiskinn sem mamma og pabbi ganga um og bjóða fram, í pínulítilli og þröngri baðstofu, þröngt mega sáttir sitja.

Evrópubúar hafa ógjarnan ekki gleymt þrillinu sem yfir þá kom er þeir geysuðu á dráttklárum yfir lendur Ameríku og gerðu sér bújarðir á óskráðu landi, pappírslausu óskilgreindu: hver á landið, hver á himininn, hver á sólina? Sóttu þeir fram og komu með tímanum íbúunum sem fyrir voru í landi – einsog fuglarnir, íkornarnir og birnirnir og trén – á skilgreind svæði sem notorislí eru kölluð reservations. Evrópsku innflytjendurnir höfðu hugmyndaflug sem toppaði grófasta skáldskap. Í gegnum tíðina hafa líka Evrópubúar mótað með sér aðferðir við að halda fólki sem þeim þykir ekki “jafn evrópulegt” og þeir sjálfir álíta um sjálfan sig, eða ákv. hópur ráðandi e-búa, í skefjum og komið uppi búðum sem ganga frá því sem þeir hafa kosið að kalla óæskilega, sem þeim eru ekki samboðnir, aðkomufólk, innflytjendur, pakk. Að vonum óttast þjófur aðra þjófa mest. Evrópubúar þekkja sitt þrill: að taka yfir heila álfu og allar gersemir hennar með valdi.

Mætti ætla nú á síðustu vikum að Íslendingar, hin svokallaða mannategund sem er vistuð á Íslandi, landi ísa og elda, óttist að straumur innflytjenda hagi sér jafnvel einsog straumur innflytjenda gerði í Vesturheiminn, og klófesti Íslendingana, drepi þá, skjóti þá, rífi þá úr beddum og húsum, rífi þá frá eiginkonunum, flytji Íslendingana á e.k. reservations camp. Íslendingabúðir. Íslendingagarða. Skemmtigarða sem túristar geta sótt og horft á Íslendinga dansa, leika skemmtileg leikrit, flauta í heimatilbúnar flautur, syngja fallega söngva, prjóna lopapeysur og lopasokka, tálga álfa. Svona búðir með listrænu ívafi. Kannski Í-lendingar búi nú þegar á svona reservations. Eigin reservations sem við höfum hjálpað til við að byggja og reisa – og við byggingarframkvæmdirnar komu ekki annarra þjóða kvikindi við sögu – þar sem skuldirnar halda okkur við efnið, halda okkur saman, halda okkur í skefjum, halda okkur innan múranna, halda okkur innan einhverra óljósra takmarkanna og við komumst aldrei út – fyrir einhverja ósýnilega girðingu. Hver fer með lyklavöldin?

Hver fer með lyklavöldin?
Í þessu skulda-ghettói?
Ghettóinu þarsem skuldir múra okkur inni?

Þegar ég var lítil var búið að segja mér að hvergi væri jafn fallegur himin og sólsetur og á Íslandi. Og hvergi væri sólsetur annars staðar. Í bíó væri sólsetrið handmade, uppstilling, e.k. máluð leiktjöld - einsog eldslogarnir í Á hverfandi hveli - flottustu eldslogar í cinemascope. Svo fór ég til útlanda og sá sama himin jafn fallegur og heima og spurði: Hvað er þessi fallegi himin að gera hér? Svo fór ég til Færeyja og sá land sem var mjög líkt mínuðog hugsaði með mér:

Nú Ísland er ekki eina svona landið í heiminum. Það er skrýtið. Hver sagði að Ísland væri fallegt? Guð.

mánudagur

2007-01-22T07:49:00.000-08:00

hæ góðan dag

nú er gott veður fyrir gigtarsjúklinga og gott að frostið sé hætt því það elur aðeins á sársauka í beinunum þótt að margir einkanlega nasistar séu að rómantíséra kuldann

aumingja landsliðið sem framdi sjálfsmorð í fyrradag, mun vera hægt að endurlífga það einhvern tímann? ég fór með einni uppá slysó í dag og þar var lítið að gera og nóg af morfíni

aumingja ísland

gott að ríka fólkið skemmti sér dálaglega með eltoni, bjögga og bubba, leiðinlegt að elvis sé ekki á lífi, þau mundu geta fengið hann í boð, ég er fegin að eiginkonurnar eigi gulllita kjóla og fari í lagningu og hafi mörg tækifæri á að eyða peningunum sínum, ég hvorki öfunda né vorkenni ríka fólkinu, ég hreint og beint elska það útaf lífinu

cameron días er flutt úr húsinu sem hún bjó í með justin timberlake heim til mömmu sinnar og pabba, en justin, einsog jesú, fer aldrei langt án mömmu sinnar, gott að cameron geti hvílt sig hjá foreldrum sínum og hitt mömmu sína, hún hefur kannski verið farin að sakna hennar alltaf með mömmu justin nálægt en justin hefur ákveðið að sefa sársaukann með workalkóhólisma

mér finnst ekki mikill frumleiki í klæðaburði á íslandi og þar með talin það sem sést til ríka fólksins af myndunum í séð og heyrt, en kannski er björk frumlegast klædda mannveran á eyjunni og dorrit er alltaf með ferskum blæ í klæðaburðinum en ljóðskáldin öll með tölu þykir mér ekki vel klædd og heldur ekki rithöfundarnir né leikarnir en þá verð ég að segja að maðurinn með þáttinn tíu fingur er snillingur í fatavali, alltaf í fjólublárri skyrtu, hann fær fataverðlaun mánaðarins frá mér tískulögreglu íslands

ég er að hugsa um að tilkynna afsögn mína í dag og boða til blaðamannafundar í tilefni afsagnarinnar

ég hlakka til að segja af mér

ó hvað er gott að hlýnindi séu komin fyrir hina gigtveiku og fleiri er þjást

kona vill leysa sin vandræði með soma og skipulega

2007-01-20T11:51:00.000-08:00

kona giftist til að skilja - en hvernig byrjar kona á því að nota eiturlyf ef enginn staður er til fyrir hana að leysa sig úr viðjum þeirra (það er að segja ef hún ánetjast þeim svo illilega að hún lætur eitrið stjórna sér en stjórnar ekki eitrinu, einsog amma mín sagði að konu bæri að gera, að stjórna eitrinu, láta ekki eitrið stjórna sér halelúja), og hvað gera húsmæður þá? aðeins hægt að díla við kristniboða eða fólk sem heldur að konu áróðri um trú til að leysa sig úr vist fíknarinnar ef svo vill til hún kýs að skipta um vist - slíta ástarsambandinu við áfengið og önnur hjálpaefni, þetta hef ég hugsað undanfarið vegna málefna byrgisins

ef kona giftist vill hún geta skilið og gengið að því á skipulegan máta hjá sýsluembættinu

ef hún flækir líf sitt vil hún geta afflækt það með sóma og á skipulegan hátt

ef hún lendir í óreglu vill hún geta komið sér úr óreglu hnarreist og stolt og skipulega

ef kona er misnotuð vill hún geta sótt málið og gengið að vísri lögfræðiaðstoð og að sálfræðingum og læknum sem sérhæfa sig í áföllum

kona er dýrmæt verðmæti

í morgun heyrði ég stjórnmálamann segja í útvarpi að á byrginu hefði dvalið fólk sem væri búið að fara í óteljandi meðferðir og ekkert hefði gagnast, alltaf færi það aftur í efnin sín, og þegar svo væri komið væru enginn önnur úrræði, fólk væri sent á staði einsog byrgið - enginn önnur úrræði - hvers konar orðalag en kona spyr:

er ekki allt í lagi að fara óteljandi oft sinnum í meðferð? er það okkar að dæma hversu oft eða sjaldan er hægt að fara í meðferð? ég segi:

mér þykir ekkert að því þótt fólk eyði ævi sinni í það að fara í meðferð á milli þess sem það drekkur áfengi í óhófi

á hverjum degi kemur sólin upp og á hverjum degi hnígur hún til viðar

jarðvist okkar er endurtekningum háð

við sjáum trén fella lauf á hverju hausti og fela sig í laufum á hverju vori, jafn oft má fólk fara í meðferð og trén fella laufin og jafn oft má fólk detta í það aftur og laufin birtast aftur á trjánum og oftar, jafn oft og rigningin

fólk hefur leyfi til að haga lífi sínu einsog það vill og langar og kýs (er það ekki by the way það sem frjálshyggjan boðar?) það er sagt að einhver lítil pínulítil prósenta af fólki misnoti áfengi og eiturlyf og ef því langar að hætta að misnota bakkusarveigar þá eiga dyrnar þangað, í vímulaust líf, að standa því opnar, dyr sem ekki þarf að skríða innum eða skammast sín fyrir að fara í gegnum, eða falla á hné og þrábiðja um að fá að fara í gegnum þessar dyr, það eru sjálfsögð mannréttindi að fá að breyta lífi sínu - hvort sem það er að fara í meðferð með stolti og reisn eða fara á drykkjutúr með álíka stolti og reisn

akvördun min

2007-01-20T11:50:00.000-08:00

ég ætla ekki að kjósa flokk sem nefnir orðið ísland í slógönum sínum
og heldur ekki flokk sem notar orðið framtíð

athugasemd min i dag

2007-01-20T11:48:00.000-08:00

ég er ekki íslendingur, ég er ekki kona

mér er sagt af öðrum ég sé íslendingur, og einnig sögðu mér aðrir það að ég væri kona
en hvorugt ER ég

ég veit ekki hvað ég er, kannski lítill api

afsakið eg græt

2007-01-15T14:56:00.000-08:00

því meira sem ég hugsa út í það finn ég að Dorrit Mousaieff er snillingur. ég hef ekkert meira að segja í dag af því ég er feimin og inní mér, ég vildi óska þess að minn gamli gaur væri hjá mér því ég er óttarlega skelkuð á næturna, bara til að hafa einhvern nálægt, ég er eitthvað svo skelkuð, og með tilfinningu fyrir því hvað ég sé hallærisleg að vera að rita þessar færslur útí blátóman geiminn fyrir engan ekki einu sinni litla mús sem kannski hefði yndi af að heyra um annarra einmanaleik, bless, góða nótt, útí bláinn, augu mín eru að fyllast af tárum

stjórnmálafólk

2007-01-15T01:07:00.000-08:00

ég dýrka ingibjörgu sólrúnu gísladóttur. hún er öflug og viljasterk. ég hef verið að virða fyrir mér hið pólítíska landslag á íslandi. þykir mér geir haarde vinsamlegur maður og sympatískur. sama þykir mér um þorgerði katrínu. steingrímur sigfússon er mjög hlýr og skemmtilegur og góður ræðumaður. þá þykir mér össur skarphéðinsson einnig hlýr og skemmtilegur, svona lúnn, og lýsir af honum þægilegri nærveru af skjánum. fólk í framsóknarflokknum hefur ekki virkað á mig, nema ein stelpa sem ég man ekki hvað heitir og ég hlustaði á ræðu hennar í eldhúsdagsumræðunum síðustu og hún var góð. þá þykir mér margrét sverrisdóttir skelegg og öflug. nú hef ég ekki manninn minn hjá mér lengur til að segja mér hvað ég eigi að kjósa og verð að taka ákvörðun uppá eigin spýtur. það er ákveðin challenge auðvitað og ég hlakka bara til að leysa úr þessum höfuðverk hins frjálsa þegns í lýðræðisríki. þá verð ég að þakka dorriti moussaieff fyrir frábæran þátt í gær. þar eigum við glæsilegan og vitiborinn fulltrúa sem líka er skemmtileg. hún er dásamleg.

kampavín og gúrka

2007-01-13T13:19:00.000-08:00

nú er orðið ljóst að fleiri evrópubúar en magni eru að flytja til los angeles, þegar davíð beckham skrifaði undir samninginn við galaxy fótboltaliðið þar í borg og viktoría er farin að þræða fasteignasölurnar þarna fyrir vestan. nú hefur magni ekki eyrúnu með sér út enda er hún með háskólapróf í íslenskum fræðum sem gagnast lítið í kaliforníu. svo það er gott að þau séu skilin og hún geti haldið áfram að kenna í þeim góða skóla flensborg. nú er laugardagskvöld og ég er að þvo ljósan þvott, sem minnir mig á, að allur garðurinn minn er ljós á litinn, yfirbreiddur snjó, kannski ég hafi sett hvítan þvott í vélina undir augljósum áhrifum frá snjónum. mig langar ekki á sjens í kvöld, en hvar gæti ég fundið hinn eina rétta? bara í von um að spæla minn fyrrverandi væri ég til í að sofa hjá fjallmyndarlegum manni sem segði að ég væri æðisleg á hálftíma fresti og spyrði hvar ég væri búin að vera allan þennan tíma sem hann vissi ekki að ég væri til. nú vissi hann afhverju hann væri búinn að naga sig í handarbökin í öll þessi ár. svo færi hann að gráta afþví hann væri svo viðkvæmur þegar ég segði honum undan og ofan sögu mína. og svo segði hann: konan mín dó úr krabbameini. og þá færi ég að gráta. og þegar það væri búið fengjum við okkur kampavín og ristað brauð með osti og gúrku. en ég finn á mér að þennan mann hitti ég ekki í kvöld þess vegna fer ég sporlétt í háttinn með andrés blað og bjór. góða nótt kammerat hvar sem þú nú ert.

sólin mun skína á sama hátt og áður

2007-01-12T02:44:00.000-08:00

mamma okkar sagði við systur mína að sólin myndi ekki skína skærar þótt vinstri grænir og sjálfstæðisflokkurinn færu saman í stjórn eða samfylking, vinstri grænir og framsókn, eða eitthvað, að það myndi hvorki snjóa minna eða meira þótt þessi eða þessi flokkur færu saman í stjórn, sagði hún

heiðnin helgar deginum lystisemdum líkamans sem á íslandi enda oft skv nautnahyggjufólki sem ölmusa líkamans því ákv. hugarfar helsi eyjaskeggja

2007-01-12T00:45:00.000-08:00

magna úr rockstar þykir bandarískar rútur flottari en íslenskar rútur og tónleikastaðir í vesturálfunni háþróaðri en hreðavatnsskáli. honum þykir örugglega ísland fremur púkalegt núna. kannski er það púkalegt. eins og minn fyrrverandi sem fór út til að lifa út fantasíur sínar í meira fjölmenni og frjálsræði [lýðræði], og þar sem hann á ekki tök á að hitta son sinn, dóttur, föður, móður eða gamla frænku á hommadiskóteki. en við hin almennur almenningur förum út til útlanda að kaupa okkur glingur og föt og komum heim til að setja það inní skápana okkar sem samt halda áfram að vera tómir. en listamaður einsog magni verður að breiða út vængi sína, hann er fugl sem þarf að verpa á mörgum stöðum og það er fínt, eins og maðurinn minn fyrrverandi sem þarf að upplifa fullnægingu á fleiri stöðum en í reykjavík - já ég er öfundssjúk! - aðeins meira um magna: sem mér þykir bara orðinn heldur væminn uppá síðkastið, útaf samanburði hans á rútum í u.s.a. og icel. og að hann skyldi skíta í hreðavatnsskálann, úff, ég er viðkvæm fyrir þessari tegund af skítkasti. mér finnst ólögulegt að skíta í svo góðan skála, á svona litlu landi er allt lítið í sniðum og þó erum við bráðum að fara að reisa tónlistarhöll sem jafnast á við óperuhúsið í sjálfri sidney. og hvað eru margar hljóðfæraverslanir í reykjavík? hann magni er orðinn væminn og snobbaður.

p.s. systir mín segir, útaf þessu með minn gamla, að staðir í heiminum skapi mismunandi fullnægingar, og ég verði að skilja sjónarhorn hans, það eru mismunandi orkusvið á stöðum sem framkalli mismunandi fullnægingar. t.d. segir hún að grænland sé einn besti staður í jarðríki fyrir fullnægingar (þó hún hafi aldrei komið þangað segist hún vita þetta af sögum og ævintýrum sem þaðan koma), hún telur ísland góðan stað en enn séu íbúarnir með kynferðislegt hugmyndaflug sitt í viðjum, sem sé dálítið annað en á sléttunum í ameríku. segir hún.

molar ur amorsranni

2007-01-11T05:35:00.000-08:00

justin timberlake er kannski byrjaður með scarlett johannsson sem er þá kannski hjónadjöfull en systir mín segir að cameron días sé rétt sama og hafi aldrei tekið sambandinu við justin alvarlega, hvert sem justin fer fylgir mamma hans honum, alveg einsog maría mey fylgdi syni sínum hvert fótmál, hún hvikaði aldrei, hún var alltaf nálægt hinum atburðum og hápunktum í lífi sonar hennar og alls heimsins, mér finnst paris hilton og britney spears ekki verst klæddur konurnar í bandaríkjunum einsog stóð í einu íslensku dagblaðanna í dag, þær gefa lífinu svo sannarlega lit með hegðun sinni og fordæmi, og paris er orðheppin og sæt, brad og angela ætla að ættleiða fleiri börn, og brad og justin eru med svoldid svipaða klippingu, svona rakað músargrátt hár, svoldið flott, en mér finnst svoleiðis klipping ljót á íslenskum strákum og bið þá um að taka þetta ekki til fyrirmyndar, það er kannski vatnið hérna, eða ég veit það ekki, alveg far out, íslenskir strákar finnst mér sætastir með mikið hár, kannski er það útaf gróðurleysinu hér, og þá að einum sá hárprúðasta öðlingi okkar: ég las í morgun að davíð oddson hefði verið á hóteli um helgina í london og fannst mér hann landinu til sóma þegar hann sat og las tímarit og lét sem hann sæi ekki nýríka íslenska fólkið sem var á leiðinni á ball, lét hann lítið fyrir sér fara, var sagt í blaðinu, og mættu hávaðabelgirnir hér taka hann til fyrirmyndar, blómgun ástarinnar í reykjavík hefur eilítið dalað miðað við ærslin í henni yfir hátíðarnar, mætti fólk hrissta af sér slenið og halda áfram að búa til skrautfjaðrir til að bæta með ástarskóginn, sýnum ekki leti: elskum

snjór og fleira

2007-01-10T03:38:00.000-08:00

þegar nýr snjór fellur af himnum um nótt virðast hundaeigendur daginn eftir líta á snjóinn sem sjálfvirkan hundakúkahreinsibúnað og nota tækifærið til að viðra skepnurnar án þess að geyma á sér plastpoka til að hirða upp eftir litlu dýrin. þessu hef ég tekið eftir. og núna áðan var leiðin mín útötuð í grænum hundakúk.

annað mál í frosthörkum: margir bílaeigendur lenda í því að geta ekki lokað bílhurðinni þegar þeir hafa opnað hana fyrr en bíllinn er orðinn sæmilega vel heitur að innan. þetta held ég sé algengara vandamál en félag íslenskra bifreiðaeigenda geri sér grein fyrir.

annað mál: ég kvíði svo dauðanum. en það er bót í máli að ég kvíði dauðanum meir en ég kvíði lífinu og það er framför frá því í fyrra þegar ég kveið hverju lífsins skrefi ógurlega svo ég komst varla á lappir, ég sem hef alltaf verið svo dugleg og kná.

mér kitlar í málbeininu. ég veit ekki hvort það er afþví mig langi svona mikið að tala við einhvern eða kyssa eða blanda þessu saman, með einhverjum ágætis náunga sem gaman væri að hitta, kannski á veitingastað, og fylgja honum heim og leggjast fyrir saman og mala og mala, kyssa smá.

nei nei. hver veit. bestu hundaeigendur reykjavíkurborgar, í guðanna bænum lítið eigi á snjóinn sem ykkar átómatíska klósettpappír fyrir hundakúk sem skolast af sjálfu sér útí sjóinn þegar byrjar að rigna. við erum gangandi vegfarendur, klædd erum við í góða skó, úr rússkinni, leðri, gúmmí, striga, sum okkar meira að segja klædd í nýjum skóm sem við fengum í jólagjöf frá góðum manni eða konu. jafnvel þótt við borguðum sjálf fyrir skóna þá breytir það því ekki að þeir eru góðir og vilja ekki útatast í úrgangi gæludýra ykkar. plís. útatið ekki hina heilögu mjöll. bless í bili.
ein fyrrverandi frú

2007-01-08T00:33:00.000-08:00

2007-01-07T15:31:00.001-08:00

i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i love you i

geðveik ast

2007-01-07T14:41:00.000-08:00

systir mín, hún veit allt, segir mér að mikið sé um að vera í ástarlífinu hér í bæ, eða borg, og að nú sé ekki lengur farið eftir gömlum reglum við mökunina og búið sé að henda þeim uppí loft einsog spilastokk og hurfu þær með því inn í gufuhvolfið, kannski enda þær á annarri plánetu þessar reglur einsog eitthvað með að karlinn eigi að vera 2 árum eldri en konan og það, nú eru engar svoleiðis reglur lengur, segir systir mín, því manneskjan hefur yfirgefið bóndabæinn - ég veit ekki hvað hún meinar með því - og gerði fyrir löngu í draumum sínum. dýrkun á sögunni komi í stað dýrkun á æsku, dýrkun á útliti, dýrkun á auðæfum, dýrkun á ættum, dýrkun á einhverju, æj ég man ekki hvað hún sagði, systir mín hefur alla tíð verið talin rugluð.

sunnudagskvöld

2007-01-07T14:39:00.000-08:00

snemma í kvöld gekk ég framhjá krá og horfði þangað inn einsog stúlkan með eldspýturnar. augnabliki síðar sagði ég sjálf við sjálfa mig: heilshugar styð ég fyllibyttur. heilshugar stend ég með fyllibyttum. áfram fyllibyttur.

2007-01-07T14:38:00.000-08:00

Heilshugar styð ég fyllibyttur.

ó

2006-11-05T05:36:00.000-08:00

ó, nú verð ég svo áhyggjufull yfir því að einhverjir kynnu að ráðast á manninn minn og berja hann fyrir hneigðir hans til karlmanna, ef það gerist, mun ég taka riffil föður míns tröllataki, út mun ég halda og nokkur höfuð - þeirra er börðu manninn minn - munu rakleiðis fjúka

ó hvað ég er hlaðin miklum þverstæðum

seð fram i timann

2006-11-05T05:29:00.000-08:00

maðurinn minn - fyrrverandi - þó við séu ekki skilin, og heldur ekki að borði og sæng - sem ruglaðist alveg þarna í fyrra þegar hommarnir fengu byr undir báða vængi og ný lög og einhverjir hommar voru að koma til hans tilað fá að gifta sig hjá honum í kirkjunni - og sannnast að þetta er smitandi því hann hafði aldrei verið að pæla í svona hlutum áður, aldrei neitt hommalegt við hann áður en þetta allt reið á í samfélaginu og er núna fluttur úr landi tilað lifa við vellystingar holdsins í baðhúsu og svokölluðum myrkraherbergjum þarsem ljósmyndir eru ekki framkallaðar heldur brundur sem aldrei mun framkallast í nýjum kynslóðum af börnum, en það er ekki mitt mál - á eftir að koma til mín þegar hann verður gamall og ég veit að ég á eftir að þurfa að sinna honu síðasta spölin, skipta á honum, mata hann, á einhverju elliheimili, leiða hann niður í sal og upp aftur í litlu þjónustuíbúðina okkar, svo verður, og ég kvíði því hálfpartinn og hálfpartinn ekki

við tilheyrum hippakynslóðinni þótt við værum af íhaldsömu gerðinni þegar við vorum ung, en nú er unga fólkið að segja að hjón af hippakynslóðinni skilji svona sem vinir, skilji ekki, en skilji samt, og haldi í vináttuna, aldrei hefði ég átt von á að ég myndi mynda þverskurðinn af hippakynslóðinni, ég og minn eiginmaður, sem reyndum að feta í fótspor foreldra okkar og hafa í hávegum hefðbundin kristin gildi, ég er bæði uppmeð mér að tilheyra hippakynslóðinni og teikna mig inní hana og líka ekkert uppmeð mér með það

2 stuttar orðsendingar

2006-11-03T05:47:00.000-08:00

MINN FYRRVERANDI SKRIFAÐI MÉR PÓSTKORT FRÁ EINHVERRI HOMMAPARADÍS:

elsku prinsessa
vertu ekki bitur elsku vinkona mín sem hefur reynst eiginmanni sínum einsog engill í 30 ár, ekki vera döpur, á eftir rigningu kemur sól, eftir vetur kemur vor, þinn elskandi herra

ÉG SVARAÐI HONUM MEÐ PÓSTKORTI, MYND AF HESTUM AÐ SÚPA VATN ÚR LÆK:

elsku prins
þú niðurlægir mig ekki mig huggunarorðum og við vitum að það er ekkert vor að koma hjá sextugu fólki ríkir eilíft haust þótt þú lendir á sjens með einum eða tveimur strákum, þá er ástin ekki hreyfiafl árstíðanna
ég hef aldrei elskað þig en ég er skyldurækin og samviskusöm og tók hlutverk mitt sem prestfrú og eiginkona alvarlega vegna meðfæddrar hlýðni og menningarlegrar undirgefni
culo!
venjuleg kelling sem var aldrei annað líka var ég það þegar við vorum ung

ÞVÍ MIÐUR ELSKA ÉG HANN ENN ÞVÍ ÉG VAR HEILAÞVEGIN SEM BARN, MANNLEGAR GEIMVERUR FORRITUÐU Í MIG ÁST

EN SVOLEIÐIS FORRITUÐ ÁST ER AUÐVITAÐ EKKI ÁÞENTIKAL ÁST, HÚN LÆKNAR T.D. EKKI SJÚKA, HÚN KEMUR MÉR EKKI Í GEGNUM VEGGI, HÚN ER BARA UPPSKRIFT AF ÁST

hugleiding de une femme desolee

2006-11-03T05:13:00.000-08:00

ég er venjuleg kelling
fáir vilja vera það af skiljanlegum ástæðum
það sem gerir kalla óvenjulega er þetta typpi sem þykir vera prýði hvers heimilis
verkfæralaust er heimili mitt núorðið
ég bjó á fullkomnu heimili búnu öllum græjum í 27 ár og hvað get ég sagt
mér þykir lampinn minn sem stendur á litlu borði útí horni fegursti dýrgripur minn í kvöldhúminu

ég vorkenni fyrrverandi sem einnig er núverandi - við erum ekki skilinn og heldur ekki að borð og sæng - manninum mínum
hann er blindur
honum þykir hann sjálfur svo merkilegur
ég vorkenni honum fyrir hvað hann er ánægður með sig
og heldur að hann sé mikill prýðismaður
hvað hann er stoltur af manndómi sínum t.d.
ég sárvorkenni honum, loftkastalar hans eiga aldrei eftir að steypast yfir hann, hann mun að eilífu lifa í sinni blekkingu blindur

líka þegar hann verður gamall og manndómsprýði hans man sinn fífil fegurri
ég veit að hann mun aldrei afklæðast blekkingunni
einsog ég sem veit að ég er venjuleg kelling og ekkert merkilegt við mig, að ég er askan í öskubakkanum, laufin sem eru alveg við það að falla af trjánum, og ein af þeim sem öfunda engan, ekki þá ungu því þau eiga bara það erfiðasta eftir, ekki manninn minn afþví mér þykir hann hlægilegur

að sofa hja er samasemog að fara uti bakarii eftir sætabrauði

2006-11-03T05:08:00.000-08:00

ég hef látið niðurlægja mig í hjónabandi í 27 ár en hver dagur var niðurlægingarinnar virði

svona kynlíf einsog fólk er að stunda og ógna hvort öðru með og metast um, þykir mér vera smámunir
það er skemmtilegra að fara í fótarbað en láta kall hendast ofan á sér eða undir sér og svo kemur o, o, og allt er búið
fólk hendist uppúr bælinu og í fötin þegar það er búið að segja eitthvað sætt hvort við annað

það er einsog að fara í bakarí þarsem kona sér gægjast í ástarlíf músa bakvið ofnanna
á gólfinu eru brauðskorpa, langt síðan skipt var um gólfdúk, en kanil ilmurinn í loftinu vefur sig utan um konu og gerir hana blíða og góða, kanil ilmurinn saittir konu vid ordin hlut

2006-11-03T05:04:00.000-08:00

þetta er ljóð sem ég samdi um eiginmann minn sem er hommi:

ástin mín, ég sé fiskana synda í augunum þínum
og nóg er af vatni, þeir munu halda áfram að
synda þar, því augun þín eru svo blá en mín
eru dimmari en skógur og refirnir læðast um
árásargjarnari en hægt er að henda reiður á
ég elska þig ástin mín en mig langar ekki
lengur tilað glápa á þessa fiska sem svona
synda í augunum þínum einsog sannur brennuvargur
vil ég sjá eld

maðurinn minn sem er prestlærður hefur gagnast mér sæmilega, sinnti mér ágætlega í volgri hjónasænginni en nú gæti ég hugsað mér að flytja inní munkaklaustur og taka þátt í allsherjar orgíu með körlunum sem væri ég sjálf jóhanna af örk
skríða undir munkakuflana og þefa af þeim einsog hundur - ó nei takk - n´est pas - ég er hætt við þennan draum, ég á mér ekki draum því þeir sem eiga sér þá eru drepnir

manifest, fagnadarerindi midaldra kvensu

2006-11-03T04:59:00.000-08:00

mon homme est trés homosexuelle et je suis une femme ultra sexuelle mais je ne veux pas faire l´amour, je crois que la vie sexuelle est trés banal

mais mon homme est trés naive, il crois que la vie sexuelle es trés super, mais il n´est pas un homme mûr aunque il ha 50
ans

2006-10-25T12:06:00.000-07:00

eg var ad finna skemmtilegt eitt med jane fonda:

2006-10-25T11:39:00.000-07:00

systir min er dopur en eg veit ekki hvernig eg get nalgast hana. kannski er ekki haigt ad nalgast dapra. mamma min er lika dopur. en eg veit ekki med sjalfa mig. nu er eg ad hugsa um hvort folki finnist leidinlegt folk sem er gegnum gott og aldrei vont. ad tad verdi ad vera vont vid tad goda folk annars eitthvad. eg er ad minnsta kosti ad velta fyrir mer tegar sagt er um: hun var god kona. tad er einsog tad se ekki eftirsoknarvert. er ta betra ad segja: hun var dopur kona? nei. hun var hress og skemmtileg alltaf til i sma hullum hai... uff, hvad haigt er ad tala um ekki neitt. best vildi eg tegja nuna og hugsa. ta geri eg tad

2006-10-06T09:11:00.001-07:00

elsku séra minn
mér líður svo vel í frelsinu undan hlekkjum hjónabands og ástar. nú lifi ég lífinu til fulls. takk séra minn fyrir samkynhneigð þína. ég þakka guði fyrir hana á hverju kvöldi þegar ég fer að sofa. núna þegar ég fer að sofa þarf ég ekki að tala við neinn nema guð og það einfaldar hlutina. ég þarf ekki að vera að tala fram og aftur um þitt furðulega tilfinningalíf sem ég skildi hvort sem er aldrei neitt í. ef mig langar tilað kyssa einhvern loka ég augunum og ímynda mér að ég sé fiskur að synda í djúpum sjó og rekast í mjúkan gróður og aðra fiska. góða nótt gamli minn. gangi þér vel að lenda á sjens.
þín fyrrverandi.

elsku mín ástkæra eiginkona.
þér eruð svo kaldlynd enda fantasérið þér um að synda í sjónum með öðrum sem hafa jafn kalt blóð. en mitt blóð var alltaf heitt og er heitt, alltof heitt fyrir frostmey einsog þig. enda þekki ég nú heitari faðma en þína sem ég get gleymt sorgum mínum í. æj æj. aumingja þú.
þinn að eilífu. ég segi að eilífu afþví ég er ástríðumikill og kröftugur.

2006-10-06T09:00:00.000-07:00

my life is miserable. i am a dysfunctional delerium and a reflection of a lost memory. my sister has a stomach ache and emptyness like a woman who comes empty to the delivery ward at the hospital. i am a desolate child. my heart hurts. i need flowers to decorate my shadow. i need a comb to comb the inner hair of my walls. i am so sad and vulnerable. i think if i was a priest i would cry so much that my bible would become so wet lying on my lap that it would resemble an lost book in the great flood where noah used to embark away from. but i am no noah. and i am not an animal noah would have chosen. and i am not a priest with wet eyes reading old fairytales from a big book. i just a woman who is still a girl and are just hanging on and on, because of the thrill of the morning light. if i was a birth doctor i would cry so much that the child would be baptized automatically in human water. and the mother of the child would scream of anger. so it is good i am not a birt doctor. if i was a pet sitter the cats would lick my tears and dry my face and the dogs would also do that. so. it is. now. voilá. with emptyness all around me.

gamalt bréf kemur í leitirnar

2006-03-29T02:05:00.000-08:00

berlín 19.mars06

elsku besta konan mín,
ég sé eftir að hafa látið svona einsog fífl, og verið að ræflast þetta í hommabælum, hommasánum, hommabörum, þetta er ekki mitt, ég blindaðist af líkamans frekju, þótt ég viðurkenni að þetta sé miklu betra en brettinn á líkamsræktarstöðinni sem ég er búinn að fá mig fullsaddan af, æj kona mín, ég er frávita af skömm
þinn að eilífu, sokkalaus eiginmaður sem gyrti niðrum sig á röngum stað á röngum tíma
viltu taka við hræinu af mér aftur?
einlægur, rúdólf

gamalt bréf kemur í leitirnar

2006-03-29T01:53:00.000-08:00

nuuk, 18.03.2006

hæ elsku vinur, eiginmaður minn kæri
mér er sagt að þjóðverjar hafi alltaf lifað mjög óhefðbundnu kynlífi og fólkið í landinu sé ansi villt í þeim efnum, sbr ævisaga klaus kinskis.manstu við lásum hana einu sinni. og frá þýskalandi komu nektarnýlendurnar og nektarstrendurnar, og ég hef heyrt að fólkið sé ótamdara á þessu sviði en m.a. nágrannarnir í danmörku, sviss og frakklandi, mér skilst að frakkar séu latasta fólkið í rúminu í evrópubandalaginu, ég veit ekki hvað er rétt í þessu en ég hef heyrt þetta með þjóðverjagredduna frá fleiri en einum, fleiri en tveimur, mér er alveg sama þótt þú sért hommi í þýskalandi og líka þótt þú sért hommi útfyrir landamæri þýskalands, mér er alveg sama, því ég er á grænlandi og ef þú bara vissir af erótísku nautnunum hér myndi herra minn roðna og sverð þitt styttast, en ég ætla ekki að segja þér neitt um það, ég ætla að eiga það fyrir mig,
þín gamla prestfrú og hommahækja
p.s. ég er fegin að þvo ekki lengur af þér nærbuxurnar
pps. hér á grænlandi verður annars þvotturinn afskaplega hreinn og fallegur
tóta maría

frhlds bréfaskipti milli fyrrverandi prests og maddömmu

2006-03-16T10:55:00.000-08:00

elsku besta maddamma mín hvað ég skammast mín að hafa ekki skrifað þér en hér ligg ég í mínu hommabæli og krossinn er ekki lengur sverð mitt heldur vex sverð mitt rótfast í klofinu á mér og eitthvað er það hér við andrúmsloftið í þýskalandi sem veldur mér stöðugri standpínu, stundum hugsa ég með mér: er það saga þessa lands, fyrst mér hefur aldrei liðið svona í heimahögunum, sem veldur þessari standpínu, hvað á ég að halda elsku konan mín, svikarinn þinn flettir klæðum og kemur til dyranna á adamsklæðum með standpínu af að dvelja á þýskri grund heimabyggð páfans, hvernig getur þessi mannlegi ræfill sem ég er orðinn af samvistum við mitt eigið kyn útskýrt bíræfnina, elsku besta eiginkona mín sem dvelur í grænlandi að kenna grænlensku börnunum að teikna hús, fyrirgefðu mér, fyrirgefðu mér að eilífu, þinn í anda, p.s. það vildi ég óska mér þess að þú værir þýskur hommi sem reyktir drum tóbak og drykkir bjór og segðir mér til syndanna á milli þess sem þú helltir yfir mig blíðunni þinni, fyrirgefðu maddama fyrir að hafa eyðilagt allt, okkar gæfuríka hjónaband, yndislega góðu fjölskyldu, þinn fyrrverandi, hvað á ég að halda?

elsku besti maki minn, ég er bara fegin að heyra í þér, hvað sem er, hvað sem þú gerir af þér, hvort sverð þitt rísi í klofinu þínu eða uppúr hnefanum, ég stend með þér, það gefur mér svo mikið að kenna börnunum á grænlandi að teikna hús, og eina sem ég vil gera er að styrkja þig og styðja, því þú ert mér allt, og hefur gefið mér allt, ég væri nú bara kelling í mötuneyti ef ég hefði ekki kynnst þér, mundu að þú færðir mig uppá stall sem ég hefði aldrei getað skriðið uppá hjálparlaust, að kynnast þessu góða fólki í þjóðkirkjunni og menntuðu og gáfuðu fólki hefur auðgað svo anda minn og gert mig að sterkri og góðri manneskju, ég styð þig húsbóndi minn, í öllu því sem þú tekur þér fyrir hendur, þín að eilífu, aum prestfrú p.s. mér finnst afar sexý þú dveljir í hommabæli og þér sé farið að standa svona mikið finnst mér ánægjulegt að heyra og gaman, þín að eilífu, xxxxxxxx

2006-03-03T02:14:00.000-08:00

elsku besta maddama mín ef þú bara vissir hvað ég sakna þín, ég sakna að geta ekki legið hjá þér og sagt þér hvað er búið að gerast í lífi mínu undanfarna sólarhringa, því þú ert besti hlustandinn hér á jörðu og nævera þín er svo mjúk og þægileg, ég hitti homma, sem er óskaplega hrifinn af mér, og það má segja að maðurinn þessi hafi afmeyjað mig, og um leið hafi ég snert á hinum forboðna ávexti en þó var það meir einsog að nálgast það að snerta himininn með fingurgómunum, þegar hann stakk karlmennskunni inní mig, það var svo gott, og ég veit að þú skilur mig og lifir þetta allt með mér í anda, hann er yndislegur hommi, með svo fallega rödd og sýnir mér svo mikla tillitsemi, mér leið, mér leið, einsog fermingarstúlku í örmum hans, nei, nú brotna ég saman elsku besta maddama mín, tilfinningarnar eru svo miklar, ég verð að hætta, meira síðar, þinn að eilífu

p.s. ég hringi í þig seinna í dag og þá getum við haldið örlitla og nána bænastund í símanum, ertu ekki til í það, ég sakna svo bænastundanna með þér elsku litla hænan mín,

2006-03-03T02:04:00.000-08:00

elsku bestu maðurinn minn, enn hef ég ekkert heyrt frá þér, ég þori varla að skrifa nú af ótta við að þér þætti ég uppáþrengjandi að vitja þín svona en svo verð ég svo hrædd um að eitthvað hræðilegt hafi komið fyrir þig, ertu búinn að hitta homma og stíga skrefið sem þú fældist og allir hafa varað þig við að stíga eða hvað? nei ég spyr ekki meir en þrái að heyra frá þér, ég er ekki að kenna í dag, ég ákvað að taka mér frí afþví ég svaf ekkert í nótt fyrir hugsunum sem herjuðu á mig og rifu litla hjartað mitt í sig, en ég stend með mér sama hvað þú tekur þér fyrir hendur, kastar hempunni, dublar og daðrar, eyðileggur þig á lífstíl sem þér er um megn að lifa, því ég elska þig hreinum kærleik elsku besti síra minn, mér líður snöggtum betur að ávarpa þig þó ég hafi ekki hugmynd um hvort þér berist bréf mitt, ástin mín, ertu þarna einhvers staðar, að stíga í vænginn við hommana í þýskalandi, ef ég væri þýskur hommi mundi ég vera brjáluð í þig, er allt í lagi með þig, mundu að nota smokkinn, ég ann þér, þér var ég gefin ung, og gjöfin verður aldrei tekin frá þér, mundu bara það, þín, koss koss koss
p.s. ef börnin okkar vissu hvað foreldrar þeirra eru að ganga í gegnum hm,

2006-03-02T04:52:00.000-08:00

elsku maðurinn minn, enn hef ég ekkert heyrt frá þér, ég eiri illa við að kenna litlu grænlensku krökkunum að teikna svona á meðan ég veit ekkert af þér, kom eitthvað fyrir????? svaraðu mér, biskupinn var að hringja og spurja um þig, hann vildi vita hvernig gengi að skrifa ævisöguna og afhverju næðist ekkert í þig, hvort þú værir nokkuð lasinn, hvernig þér liði af þessari áráttu með hommana, hann sagði að þetta væri allt að koma, íslenska kirkjan væri öll að braggast eftir þetta áhlaup og ofsóknir hommanna á þjóðkirkjuna, senn kæmist friður á og sátt um að hommar eigi ekki að fá að gifta sig í íslenskum kirkjum og vanhelga þær, en á meðan vill hann ekki fá okkur heim, af hættu á að þú farir að taka uppá því aftur að standa með hommum og verja afstöðu þeirra og beinlínis tigna sódómískan lífstíl í 101, einsog f. 2 mánuðum, þegar þú hugsaðir ekki um annað en homma daginn út og inn, en ég sagði honum að þú værir farinn að mæta á verndarfundi hjá kaþólskum prestum sem hefðu það takmark að bæla niður kynhvötina og allt gengi það vel, þetta væri heiðvirður og traustur alþjóðlegur félagsskapur byggður á 12 sporunum frá a.a., þú værir allur að hressast, láttu mig vita ástarengill, þín að eilífu xxxxxxxxx til eilífðar p.s. ég var ekkert að segja honum af hommadraumunum, við eigum það fyrir okkur, ég er þögul sem gröfin engillinn minn

2006-03-02T04:47:00.000-08:00

nú hef ég heyrt að þetta hafi alltaf verið svona hér á íslandi, hvar sem útlendingar koma þarsem íslendingar eru að skemmta sér, þá eru þeir barðir, þetta sé ekkert nýtt, mamma var að segja mér það áðan, þannig hafi það verið með hermennina á vellinum, þegar þeir létu sjá sig í bænum, og álpuðust inná skemmtistað, þeir voru mjög oft barðir, og þannig hafi það bara alltaf verið hérna, alltaf, fólkið á íslandi sé svo áflogagjarnt, og þoli ekki útlendinga, þegar ég spurði mömmu um ástæðurnar, sagði hún þær vera afbrýðisemi, sagði vitringurinn mamma mín rétt í þessu

2006-03-02T02:03:00.000-08:00

það er mjög gott veður á íslandi, sólin skín, í gær fóru systir mín og vinkona hennar á tónleika, þar var verið að berja tvo pólska stráka sem voru að halda uppá afmæli annars þeirra en það sem þeir unnu sér til frægðar var að skemmta sér og dansa aðeins öðruvísi en þóknanlegt var hópnum þarna inni, vinkona systur minnar skarst í leikinn, ef leik skyldi kalla, stökk uppá bílhúddið þarsem verið var að berja strákanna sem voru að halda uppá afmæli annars, og eru að vinna hér á íslandi verkamannavinnu, höfðu ekki farið út á lífið svo mánuðum skipti, og höfðu verið að dansa aðeins meira og ákafar en fólkinu þarna inni fannst voða truflandi að hafa pólska dansandi afmælisstráka nálægt sér einhverra hluta vegna, það er forsagan, svo byrjuðu áflogin, hún vinkona systur minnar stökk uppá húddið fyrir framan tónleikastaðinn þarsem verið var að berja strákana, stíjaði fylkingunum sundur, æðar höfðu opnast og sprungið, og þetta gerði hún þrisvar, áður en hægt var að leyfa strákunum að fara í friði, hvers konar friði eiginlega, búið að berja þá, og reka þá út fyrir fjör, inni gat hópurinn haldið áfram að njóta tónlistar án þess að hafa dansandi fífl sem eiga afmæli fyrir augunum

margir eiga sér fyrirmyndir, hverjar eru fyrirmyndir tónleikagestanna í gær

2006-03-02T01:55:00.000-08:00

elsku maðurinn minn, leitt að hafa ekkert heyrt frá þér, ertu á lífi??? ;) hæ ástin mín, ertu þarna, ég hef ekkert heyrt frá þér síðan í gærmorgun, fórstu á hommadiskó??? ég vildi svo óska að ég kæmist á hommadiskó en finn ekkert hérna á grænlandi, þó skilst mér að tvíkynhneigð sé viðurkennd staðreynd hér um slóðir en enginn hefur reynt við mig enn :( er ég svona hallærisleg, vill mig enginn, en meiri áhyggjur hef ég af þér, hvort einhver geðsjúkur hommi sé búinn að myrða þig, fórstu á fundinn í gærkvöldi ? er allt í lagi með þig ástin mín ?? ertu nokkuð reiður útí mig ???? ef ég hef móðgað þig þá fyrirgefðu, hvar ertu, hvernig líður þér elsku kallinn minn ??? ef allt er í lagi en þú treystir þér bara ekki tilað tala við mig, sendu þá kveðju: móttekið, eitthvað einfalt, bara svo ég viti þú sért á lífi, þín heittelskandi eiginkona maddamma x, hommi fangelsaður í þykkum maddömmuskrokk sem enginn á grænlandi hefur látið sér hugkvæmast að elska og er þar að auki fastnaður þér ;) p.s. ég er svo spennt að heyra ef þú hefur lent á sjens með homma

bréf frá hjónunum í germany og greenland

2006-02-28T01:30:00.000-08:00

elsku maddamma mín,
fundurinn í gær var áhugaverður, en mig dreymdi samt nakta karlmenn sem litu út einsog grískir guðir í alla nótt, það vildi ég að ég væri ekki svona ólögulegur í vextinum, þá hefði ég meira hugrekki tilað nálgast þá, draumamenn mína, en ekki það að þeir vilji ekki nálgast mig, ég er svo hissa, þeir kæra sig kollótta þótt ég sé með bumbu og skvalp, þeir elska mig þrátt fyrir það, elska mig grimmt og blítt, ég veit að mig má ekki dreyma svona drauma, en hvað get ég gert, ég var sofandi, kannski ég fari á annan fund í kvöld, það þarf ekki að vera að allt takist í fyrstu tilraun, svona draumar hverfa ekki með einni aspíríni var mér sagt af einum þarna á fundinum
vonandi geng ég ekki fram af þér besta kona mín
þinn að eilífu

elsku maðurinn minn,
þetta er allt í lagi, allt í lagi vinur, mig dreymdi líka homma í alla nótt, þeir voru með þá mestu standpínu sem ég hef á ævi minni séð (ég ef ekki séð þær margar, ha, ha, ha, þú veist) og stærstu typpi sem ég hef augum litið, á stærð við sjónauka eða stærri, og ég var brjáluð í þau en mennirnir vildu ekkert með mig hafa ):
þín að eilífu

öskudagur

2006-02-28T01:24:00.000-08:00

við vitum ekki hvað er að gerast því klukkan átta á morgnanna er að verða bjart og núna klukkan hálf tíu skín sólin í augun á okkur, hvað er að gerast, það er einsog jörðin sé eitthvað fljótari núna í ár að láta dagsbirtuna vaxa á okkur, þetta er ótrúlegt, við trúum varla okkar eigin augum, hér rétt fyrir stuttu síðan var þessi gluggi sem nú er að fylla sig af sólskini blindfullur af myrki á þessum sama tíma dags, við mundum halda að tíminn væri á undan áætlun í ár

í dag munum við borða baunir

á morgun öskudag förum við í bæinn að sjá skrúðbúningana

bráðum förum við í bíó

svar við kvöldbréfi

2006-02-27T12:49:00.000-08:00

elsku besti séra minn, bara örstutt orðsending: ég styð þig í sérhverju sem þú tekur þér fyrir hendur auðvitað, hvað sem þér dettur í hug að gera, ég treysti dómgreind þinni elsku besti kallinn minn, gott hjá þér að fara á þennan stuðningsfund hjá andlegum hommum sem mun ábyggilega gera þér gott og auðga andann, ég sjálf ætla að fara snemma í háttinn og lesa í góðri bók fyrir svefninn, þín heittelskaða maddamma

p.s. þó þú misnotaðir líkama þinn með eiturlyfjum, yrðir bankaræningi, misstir vitið, ég mun ganga til endimarka þessa heims fyrir þig, fyrir þig elsku litli homminn minn

góða nótt hugrakki presturinn minn og sofi þitt stórhuga og vindumprýdda höfuð rótt, ég veit hvað þú hefur mátt þola, þín að eilífu, góðan bata

kvöldbréf til eiginkonunnar

2006-02-27T12:40:00.000-08:00

elsku besta eiginkona mín þú sem skilur mig svo vel

hvað heldurðu, hvað heldurðu, jah, nú höfum við aldeilis komist í feitt, í dag fór ég í göngutúr í garði hér nálægt, indælum og fögrum, í vetrarstillunum, nú nú, settist ég á bekk og var ekki lengi einn er settist hjá mér indælis munkur sem sagði mér það í óspurðum fréttum að hann væri meðlimur í félagsskap kaþólskra homma sem lifðu hreinlífi sem munkar, hann sagði mér að mjög eðlilegt væri fyrir munka og kaþólskra presta að hafa samkynhneigt tilfinningalíf afþví að frá barnæsku ættum við svo auðvelt með að persónugera Guð sem karlmann, himnaföðurinn, og sem við elskum Guð, / hann, og þjónum, byggjum við þarna á landamærunum, svo nærri svo nærri þessum saurlífishommum sem stunda kynlíf hver með öðrum og virða engin mörk, en þessi félagsskapur væri komin tilað vernda okkur hina tilað stíga ekki yfir línuna, en halda okkur í hæfilegri fjarlægð frá dýrkun djöfullegra hvata, hann bauð mér á fund, já, ég er að hugsa um að fara á stuðningsfund hjá kaþólskum óvirkum hommum sem starfa sem þjónar kirkjunnar í dag, þetta eru alþjóðleg samtök, hvernig líst þér á frú mín góð

ég elska þig af öllum mínum mætti og sálarkröftum þó mun ást mín til þín aldrei skyggja á ást mína til Guðs

2006-02-27T04:57:00.000-08:00

Glittery texts by bigoo.ws

bréf til hins geisllega fulltrúa og jarðneska

2006-02-27T04:36:00.000-08:00

elsku besti kæri síra minn

hér í útlegðinni uppá grænlandi les ég þitt einlæga bréf með lotningu og skil og kann að meta djarfar óskir þínar, ég vildi einnig vera hommi elsku besti maðurinn minn, ég er hundleið á því að vera drusla, kvenmaður, alltaf þóknandasti öðrum, hlýðandi skipunum, hlýðandi samviskubitinu, hlýðandi mínu alltumvefjandi ástríka hjarta, því ég elska af öllum lífs og sálarkröftum, og ef ég ætti eina ósk og óskadísin myndi fljúga til mín og bjóðast tilað uppfylla hana, núna, myndi ég svara henni: viltu breyta mér í homma, þá myndum við, þú og ég fallegi viðkvæmi eiginmaður minn, geta hist á hommadiskóteki á ibiza og farið í sleik og gert eitthvað yfirmáta dónalegt í myrkrarherberginu sem mér skilst að sé oft að finna á svona stöðum,(ég kynnti mér þetta á netinu, ég er fljót að læra vinur,) ég elska þig homminn þinn,

þín að eilífu auðmjúk eiginkona sem vildi hún væri hommi

p.s. þú mátt kalla mig hommalína, ég er hommalínan þín

bréf frá geisllegum fulltrúa og jarðneskum

2006-02-27T04:30:00.000-08:00

elsku besta maddamma mín

en hvað ég sakna þín og en hvað ég vildi að ég væri hommi, þá hefði lífið ekki verið svona auðvelt, ég orðið stúdent úr lærða skóla, haldið suðrávið beint yfir tjörnina uppí guðfræðideild þarsem ég útskrifaðist með láði og mér rétt prestakallið á öðrum degi eftir útskriftina, þú tilbaðst mig strax og við hittumst á sama augnabliki varstu tilbúin að gera allt fyrir mig, skríða í duftinu fyrir mig, þjóna mér til borðs, þjóna mér á andlega planinu, lesa yfir ræðurnar mínar og þjóna mér í bólinu, þvo af mér og elda handa mér, ég otaði táfýlu minni framaní þig en vittu til ég gerði það óvart, ég vissi ekki betur, ég fékk allt uppí hendurnar án þess að þurfa að berjast fyrir einu né neinu og núna, þegar biskupinn hefur sagt okkur þegnum sínum að hann vilji ekkert með hommagiftingar hafa í kirkjum landsins þrái ég ekkert heitar en fella ást til karlmanns, persónu af sama kyni og ég og upplifa í botn hvað það er að þjást, afsakaðu elskulega eiginkona mín en svona er ég bara þrátt fyrir að enginn innistæða er til fyrir löngunum mínum, nema það ógeð sem ég hef fyrir sjálfum mér að vera valdamikill hrokafullur hvítur karlmaður alinn upp í paradís vesturlandanna,

síra þinn að eilífu þinn

p.s. auðvitað elska ég þig ástkæra maddamma mín þótt mig langi stundum tilað vera hommi, ég veit þú skilur mig þú hefur alltaf skilið mig til fulls

póstsamgöngur á milli grænlands og þýskalands

2006-02-23T00:31:00.000-08:00

til hamingju ísland með að eiga sylvíu nótt

presturinn í dómkirkjunni sem elskar að gefa saman, homma hann er farinn til útlanda afþví biskupinn hans sendi hann og konan hans prestfrúin fór líka til útlanda en til annarra útlanda en maðurinn hennar, þau voru - s k i l i n a ð - af æðsta ráði, biskupi og félögum, prestfrúin er að kenna börnum á grænlandi að teikna og presturinn er við ritstörf í þýskalandi, en hann hugsar um homma á hverjum degi, og líka konan hans, á meðan þau sinna þessu sem þau voru beðin um að sinna, presturinn að skrifa ævisögu eins fyrirrennarans, og já, prestfrúin með teiknikennsluna, þau sakna hvors annars, og þau sakna hommanna, því það eru engir hommar í þýskalandi og grænlandi, en þau skrifast á í útlegðinni, falleg bréf, um hvað þau eru opin og hamingjusöm og hugrökk og full af ást, því þau elska, meira en þau hafa nokkru sinni áður gert, allt, hvert smáatriði í heiminum elska þau,

tilvitnun:

elsku bestu maddamma mín,

hommarnir í 101 hafa opnað mér sýn inní heim sem ég vissi ekki að væri til, um leið og ég opnaði augu mín fyrir ástum þeirra opnuðust augu mín fyrir ævintýrinu, ævintýrinu sem býr handan við IKEA, handan við KB banka, handan við Rúmfatalagerinn, handan við Bónus, handan við Bílasölu Benna, handan við Alþingishúsið, handan við Landsbókasafnið, handan við þessa gefnu tilveru sem okkur þótti svo eftirsóknarverð manstu, en er núna fyrir mér einsog hvert annað: Matador, Útvegsspilið, Trivial Persuit, Lúdó, Gettu betur,Scrabble, en ég vil ekki blanda BackGammonni í þetta, BackGammon er eitthvað allt annað en þetta, en tilvera okkar sem með völdin fara á Íslandi er einmitt jafn tvívíð og spilaborð Matadors, og þegar hommarnir komu inní líf mitt, og augu mín opnuðust fyrir ævintýrinu handan Matadorsins, ævintýrinu, lúmsku og dularfullu handan þessa tvívíða heims sem mestmegnis snýst um sig sjálfan, þeim ævintýraríka degi fagna ég og þakka Guði mínum fyrir hann...

tilvitnun:

elsku besti maðurinn minn,

ég get ekki verið þér meira sammála hérna sem ég sit uppá grænlandi og sötra te og horfi útum gluggann á jökulinn, hommarnir komu mér í snertingu við álfaheiminn, þá vissi ég: nú já, álfar eru til í alvörunni, álfar hafa alltaf verið til, þeir eru meira að segja hér á meðal oss, í næstu húsum, fullt af þeim heima í 101 þarsem við höfum alið manninn stórum hluta ævi vorrar, og auðvitað ástin mín hugrakki eiginmaðurinn minn getur biskup ekki leyft huldufólki og álfum að nota kirkjurnar sínar, okkar, þeirra, (hver á þessar kirkjur, hver á fjöllin?) í heilögum tilgangi, skv þjóðtrú, skv einhverju sem ég veit ekki hvað er elsku maðurinn minn en þú veist það - tilheyra þá álfar skv. þessu sem ég veit ekki hvað er, heiðni?tilheyra álfar heiðni kannski? er það þess vegna sem hann vill ekki leyfa hommunum að stíga innfyrir hús guðs og opinbera heiti sitt frammi fyrir himnaföðurnum, æj ég veit það ekki, ég skil ekkert í þessu, og því minna sem ég hugsa meira, en ég elska þig og alla homma í öllum heiminum

þín að eilífu
trúföst eiginkona i love you baby

2006-02-19T06:17:00.000-08:00

Glittery texts by bigoo.ws

2006-02-10T14:59:00.000-08:00

gott veður, rigning úr skýjunum, svo kom sól og snerti regnið og það kom vorloft í bæinn, ég hef lítið sofið síðustu nætur, en í gærkvöldi var ég með saumaklúbb, en svefnleysið stafaði þó ekki vegna hans, systir mín er dáldið leiðinleg þessa dagana, kannski er hún leiðinleg alla daga, ég veit ekkert hvað er að gerast með hana, en þær stöllurnar komu hingað í síðustu viku og krydduðu heimilislífið okkar, sem endaði með að systir mín steikti eggjabrauð handa yngri dóttur minni, sú eldri var á árshátíð í gær, og hún var hrikalega sæt svo við féllum í stafi hérna heima

örstutt veðurfregn

2006-01-25T05:16:00.000-08:00

á íslandi er sjö stiga hiti, grasið hjá nágrönnunum er grænt, það rignir einsog í spæjarasögu, margir klæða sig í pils og sportsokka, sjö stiga hiti á íslandi er sama sem sautján átján stig á spáni, hið besta veður

2006-01-25T05:01:00.000-08:00

dómkirkjupresturinn og eiginkona hans sátu við arineldinn um kvöldið, hún var að reykja kent og hann var að reykja pípu, hún var að lesa agötu kristí og hann var að lesa raymond chandler, svo litu þau upp af lestrinum og horfðu í augu hvors annars og föttuðu allt í einu útá hvað ástin gekk: - svona augnaráð einsog þetta -, og eftir að þau föttuðu það þá föttuðu þau svo ótal ótal margt annað, einsog eilífðarvit heimsins hefði birst þeim með þessu augnartillit er þau horfðust svona í augu og mundu að þau voru og yrðu um alla eilíf ástin í lífi hvors annars
presturinn: það hefur kennt mér svo margt að gefa saman tvo karlmenn í heilagt hjónaband frammi fyrir altari jesú krists, það hefur kennt mér hvað ástin er mikið afl í heiminum, að það er satt sem páll postuli vildi meina að kærleikurinn fellur aldrei úr gildi
eiginkonan: veistu það að þú ert allur annar maður eftir að þú fórst að gefa saman homma og lessur, þú ert miklu rólegri, yfirvegaðri, fallegri, augnaráð þitt er orðið ómótstæðilegt, þú hefur breyst svo og þroskast, ég hef aldrei vitað jafn mikla breytingu á einum manni, þú ert líka farinn að skrifa miklu betri sunnudagshugvekjur ástin mín
presturinn: já ég veit það, líka, veistu hvað, mér finnst núna miklu miklu skemmtilegra að skrifa eftir að við leyfðum giftingar samkynhneigðra í kirkjunni, það hleypti mér inní einhvern skáldskaparstraum sem ég vissi ekki að væri til, heimurinn opnaðist fyrir mér og mér líður á hverjum degi einsog ég sé staddur í víðfeðmum dal með bláum himni, opið til allra átta, fuglarnir fljúga einsog höfðingjar um himininn, grasið vex og sprettur við fætur mér, hugarfylgsni mín eru svo blómleg og frjósöm eftir að ég byrjaði að gefa saman homma og lesbíur, nú útilokum við engan, nú mega allir vera með og um leið opnar almúttugur Guð heiminn uppá gátt fyrir okkur, en líka ástin mín, hvar væri ég án þín
eiginkonan: já segðu, og hvar væri ég án þín, jafn fordómalaus maður er vandfundinn sem leyfir prestfrú sinni að reykja einsog skorsteinn og hefur alltaf leyft mér að vera einsog ég er, takk ástin mín, ég elska þig um alla eilífð
presturinn: og ég þig
svo kysstust þau fyrir framan arineldinn, þetta var allt annað líf og miklu skemmtilegra, auðugra og tilfinningadýpra

2006-01-25T03:46:00.000-08:00

Nú verðum við að fara að hugsa um og skoða vel hvað er að gerast í landinu okkar afþví margt gerist aðeins einu sinni, einsog t.d. líf okkar, við lifum því einu sinni, það gerist aðeins einu sinni. Af þeim sökum verðum við að horfa vel í kringum okkur og hlusta vel eftir og sjá, hvað er að gerast, hvað er að gerast um okkur, hvað er að verða um okkur, fyrir hvað og hvern við lifum. Er það fyrir ríkisstjórnina. Er það fyrir stundargaman, sem er gaman. Er það fyrir okkur sjálf. Er það fyrir einhverja þróun. Langar okkur að breyta einhverju. Erum við stökk. Er eitthvað verið að gera við okkur handan við tjöldin. Hvað er ráðafólk að pæla. Á hvað stefnir það. Fyrir hvern hugsar það. Hverjir eru að græða á tímanum. Hverjir eru að verða útundan. Á hvað er hraunað. Í gærkvöldi sat ég stutta stund fyrir framan bókahillu foreldra minna og sá þar margt sem gerði mig spennta í fingrunum, og langaði tilað lesa. Bækurnar höfðu verið þarna alla tíð, margar frá því ég fyrst man eftir mér. Ég sá sem var: þetta er gott safn bóka, og mér fannst þetta safn bóka vera miklu betra en safnið mitt, og ég harmaði það að svona söfn sjást ekki lengur á mörgum stöðum og m.a. heima hjá mér. Þó þau foreldrar mínir hefðu ekki atvinnu af bókum, þá keyptu þau bækur, líka bækur sem voru utan við áhugasvið þeirra beint. Söfnuðu uppí þennan bókararf sem kannski er umþaðbil einhver arfur úr hinni og þessari áttinni næst okkur á vesturlöndum. Foreldrar mínir fæddust í heimstyrjöldinni síðari, þau muna eftir loftvarnarbyrgjunum í Reykjavík, þau voru ung á sjötta og sjöunda áratugnum, á tíma sem varð algjört boom í lestri, kannski ákveðið viðnám við nasistunum sem kveiktu í bókum, ákveðinn upphafstími tilað byrja uppá nýtt í öllu, og hugsa hlutina uppá nýtt og passa að sagan endurtæki sig ekki. Ég vildi ég gæti útskýrt þetta betur. Þarna við bókahilluna þeirra tók ég fram bók Nordals Grieg Fána Noregs, sem fjallar um hernám Þjóðverja á Noreg í síðara stríðinu og hvernig það gerðist á hálfum degi að landið féll í hendur þýska hermanna, á einum morgni, á meðan höfundur og kærasta hans voru að ræða við leikhússtjóra eins leikhússins í Osló um væntanlegar sumaruppfærslu, og seinna meir kvikmynd sem átti að gera, og líklega varð aldrei úr. Á svona morgni, einsog við eigum öll, erum að tala um framtíðarplönin við þá sem hafa áhuga á framtíðarplönum okkar, en þá umræðu er vel hægt að stöðva á einum klukkutíma af utanaðkomandi öflum mannlegum. Á föstudagskvöldið klukkan hálf tíu gekk ég Laugaveginn uppeftir, framhjá Skífunni mætti mér hópur 5, 6 karlmanna, sirka 20 ára, þeir ruddust framfyrir mig, með stórum og styrktum hreyfingum, og otuðu handleggnum uppí loft, tveir þeirra sögðu Sieg Heil. Ég held það hafi ekki átt að vera brandari og ef það var brandari þá var hann ekki neitt fyndinn. Líkamarnir ógnuðu mér með nærverunni, ruddust nærri mér, uppað mér, auglýstu styrk, bardagaþrek, agressíón, tilbúnir tilað vera ófyrirsjáanlegir og meira en ókurteisir, ofbeldið blikkaði utan af þeim. Í nótt dreymdi mig alla sem ég þekki, eða næstum, allir svona nánustu vinir og vandamenn, við vorum öll með tattúu á úlnliðnum, sem búið var til með því að skera hnífsoddi inní holdið, og merkja okkur með rómversku tölustöfunum i, ii, iii, iv, v, vi, vii, viii, ix, x, í armbandshring í kringum annan úlnliðinn, og þarna stóðum við í beinni röð fyrir framan fólkið sem skar tölustafina inní hold okkar, stóðum þar bljúg, auðmjúk, prúð og stillt, og reyttum sum af okkur brandarana, óhrædd að mestu. Það á örugglega við manneskjuna að hún mætir örlögum sínum bein í baki og stolt, líka þeim örlögum sem annað og valdafíkið valdasníkið fólk skapar okkar.

2006-01-24T01:26:00.000-08:00

sérann hélt áfram pælingunum: tveir menn með standpínu undir jakkafötunum samtímis fyrir framan altarið var kannski eitthvað sem eingyðistrú réði ekki alveg við, góð pæling hugsaði hann

2006-01-24T01:12:00.000-08:00

hvort finnst mér skemmtilegra að jarðsyngja skrímsli eða gefa saman tvo fallega pilta í heilagt hjónaband frammi fyrir drottni, var presturinn að spyrja sjálfan sig, í eilífum rökræðum við sjálfan sig var hann, á meðan hann var að raka sig fyrir framan baðspegilinn, alltaf er nú gaman að jarðsyngja skrímsli sérstaklega ef kirkjan er nærri því galtóm, aldrei myndi honum leiðast það, og því stærra og meira skrímsli því betra, því óhugnanlegra og ógeðslegra skrímsli því betra, þýddi m.a. einu skrímslinu færra, enda gaman að skrifa skrímsla eulogíu, dásamlegt, en að gefa saman pilta, var kannski of sætt of fagurt tilað geta verið satt, skrímslajarðarför gaf honum meira krydd í kroppinn, hitt, hitt var svona dáldið væmið, hann öfundaði ekki tvo menn sem kysstust uppvið altarið eftir heitið góða, þó gat hann ímyndað sér að það væri spennandi upplifun, erótískt, þarna fyrir framan altarið, presturinn hélt áfram að raka á sér vangann í von um að skera sig pínulítið á hnífnum og minntist nú allra fjörugu piltanna úr sunnudagsskólunum sem höfðu kvatt æskuna með pínulítilli sorg, sem hægt var að svala með bjór kannski og góðum lestri á vinsamlegum bókum, og kvíða fyrir ærslalausri framtíð með kellingu og krökkum, en strákar voru í grunninum til fórnfúsir, hugsaði presturinn og skolaði rakhnífinn í vatnið sem kom úr krananum, hann skyldi aldrei fá sér rafmagns

2006-01-24T01:10:00.000-08:00

elsku góði guð viltu láta alla á íslandi finna til ástar í líkömum sínum í dag og upphafningar

2006-01-20T04:37:00.000-08:00

nú reis upp dagurinn fagur var dagurinn sem reis upp og átti fyrir honum að liggja að verða vitni að því er tveir fagrir piltar voru gefnir saman í hjónaband í dómkirkjunni, presturinn vaknaði glaður í bragði, hress og hann hafði ekki verið svona kátur í átta daga því hann hlakkaði svo til að gefa saman piltana fögru, sem hann hafði svona á tímabili verið bálskotinn í áður en hann læknaðist af girnd, sem betur fer, fyrir alla, alla alla alla, sönglaði presturinn með sjálfum sér að laga morgunkaffið, hlakkaði svo til að fara inná kontórinn sinn og semja ræðuna, hann ætlaði að semja fegurstu ræðu sem samin hafði verið af presti í brúðkaupi, hann fann hjá sér þörf til þess í öllum liðum, hann kyssti konu sína sem sat inní græna sófanum í stofunni og las blaðið, byrjuð að reykja eftir 36 tíma pásu, það er þó alltaf eitthvað ef maður getur hætt að reykja í 36 tíma, áfangasigur, hann kyssti hana aftur því hann elskaði hana svo mikið og jafnmikið ræðuna sem hann átti eftir að semja, sem ófædd var í heiminn, sem yrði sú fegursta sinnar tegundar sem samin hefði verið, ó hvað lífið var fagurt og dagurinn fullur blessunar

2006-01-20T04:33:00.000-08:00

elsku góði guð viltu láta alla hugsa fallega til öryrkja í dag

2006-01-19T12:48:00.000-08:00

presturinn í dómkirkjunni [karlkyns] var orðinn brjálæðislega ástfanginn af tveimur líkamsræktarpiltum sem að komið höfðu til hans að panta hjá honum og kirkjunni eitt stykki hjónavígslu, hann gat ekki hætt að hugsa um þá, hann svitnaði við tilhugsunina um rauða sportbílin sem hann sá þá hverfa uppí og þjóta af stað frjálsa einsog fuglinn, presturinn hugsaði um þá dag og nótt, uppí rúmi við hliðiná konunni sinni sem var að horfa á dallas öllum stundum, á meðan hún var að reyna að venja sig af sígarettunum, það sæmir ekki lengur prestfrú að reykja, hafði hún sagt við séra sinn, og sérann hennar nikkaði höfðinu skilningsríkur að bragði, en hausinn fullur af hugsunum um tvo kraftmikla pilta sem komið höfðu til hans í sáraeinföldum tilgangi að staðfesta frammi fyrir guði ást sína og tryggð, ævilangan samning, prestinum þótt leitt að vera orðinn ástfanginn svona af tveimur í einu og einhverjum utan hjónabandsins svo hann fór til vígslubiskups að ræða við hann, trúði honum fyrir öllu, vígslubiskup tók utan um hann og sagði, fylgdu mér, presturinn elti vígslubiskupinn á sólbaðstofu, þar lögðust þeir í sólbað, á sólarbekkjunum, en aðeins þil var á milli, vígslubiskupinn sagði: hugsaðu um mig, að ég sé hinumeginn við þilið allsber á samskonar bekk og þú og ég hugsa um þig, að þú sért hinumeginn við þilið allsber á samskonar bekk og ég, og þegar sólartíminn er liðinn skulum við hittast í sturtunni vinur minn. svo hittust þeir í sturtunni. þetta var endurnærandi elskulegi vígslubiskup, já, sagði vígslubiskupinn, lífið er oft flókið en við flóknum vandamálum eru oft til sáraeinfaldar lausnir, þá þvoðu þeir sér hátt og lágt með sítrónu og lavandersápu, sjampóuðu hárið, þeir voru nefnilega hvorugir sköllóttir, ég sting upppá því að við förum allir saman karlprestarnir saman í ljós og sturtu, fyrst allir á ljósabekkinn svo í sturtu á næstu prestaráðstefnu, það er svo endurnærandi, sagði presturinn, andlega endurnærandi og frískandi, svo voru þeir orðnir hreinir og fínir, þurrkuðu sér í mjúku handklæðin á sólbaðstofunni, klæddu sig í fötin, þetta var endurnærandi, endurtók sérann þegar þeir gengu útí hljóðlátt kvöldið, ertu ekki alveg orðinn heill, spurði vígslubiskupinn, jú, alveg, svaraði sérann, þá sagði vígslubiskupinn:
ástin er eilíf, ástin sigrar allt, en þegar ástin hefur stungið sér niður á milli tveggja og byrjað að blómstra og búa til andlegan blómstrandi fegurðargarð getum við ekki hin girnst hana, við verðum að njóta hennar og færa henni alúð okkar og virðingu, en við getum ekki plompað okkur ofan í annarra ástir svona hú og he, amor hittir okkur einu sinni tvisar, kannski þrisvar, um ævina, þú ert ungur prestur, bíddu bara rólegur, sagði vígslubiskup og klappaði prestinum vinalega og föðurlega á öxlina og á frískandi vetrar kvöldi gekk presturinn, tár hans á vanganum þornuðu, heim til konu sinnar, frjáls einsog fuglinn var hann loks laus við allan hommaskap í bili, hann háttaði, nuddaði konuna sína blettinn sem nudda á tilað hætta að reykja og er einhver leyndarmálsblettur sem víst fáir þekkja, en hvað með það, margir vilja hvort sem er ekki hætta að reykja og það gilti um þessa prestfrú, en það mátti reyna, hana langaði síðan að fara í bað en maðurinn hennar nennti ekki að fara í bað eftir allt saman, svo fór frúin í bað og presturinn las fyrir hana á meðan uppúr góðri bók, lagðist uppí, lokaði augunum og hugsaði EKKI um tvo fagra líkamsræktarpilta eða girntist þá á neinn hátt, ó, hvað hann var orðinn frjáls, svona voru ráð víglsubiskups góð

2006-01-19T03:17:00.000-08:00

elsku góði guð ertu sammála því að veikir eigi að hafa það gott því þannig er auðveldara að læknast, ef lífið er erfitt þegar maður er veikur hlýtur að vera erfiðara að læknast, ef lífsbaráttan er svona og svona, ef lífsbaráttan er löng hlaupabraut, eigum við þá að setja upp hindranir á hlaupabrautina þegar við sjáum öryrkja koma hlaupandi tilað gera honum enn erfiðara fyrir, ég skil ekki hugsunina á bakvið stefnu íslendinga í málefnum öryrkja, að gera þeim erfiðara fyrir sem eiga erfitt fyrir og eiga erfiðara með að erfiða sig í gegnum lífið en þeir sem eru hraustir í það og það skiptið, því margir hraustir verða líka dag einn veikir, halda íslendingar að þegar fólk veikist þá sé guð að setja það í þolpróf og því sé best að einnig mennirnir setji það í þolpróf, og athugi hvað sé hægt að komast langt með að þrengja að því, en veikist ekki oft líka fólk vegna mannlegra mistaka, ekki guðlegra, einsog þegar gerast alls konar slys sem valda örorku, já, etc, think about that, er kannski guð að rannsaka fólkið í kringum fólkið sem veikist, mannkærleikann í umhverfinu, mæla hann, með sínum persónulega barómeter

2006-01-19T03:11:00.000-08:00

elsku góði guð viltu passa hag öryrkja á íslandi
viltu láta fólk á íslandi hætta að tala illa um öryrkja þegar það kemur saman í veislum að borða kökur og líka þegar það kemur saman í veislum að borða lambalæri og grænar baunir, en veistu guð, grænar baunir eru í sérlegu uppáhaldi hjá fólki á íslandi
viltu láta fólk á íslandi hætta að gruna öryrkja um græsku, um sukk og svindl og svínarí, einosg fólk á íslandi heldur mjög mikið að öryrkjar séu öryrkjar í því augnmiði að svindla á "kerfinu" - ég veit ekki hvort þú vitir hvað það þýðir guð, "kerfið", en kannski við útskýrum það síðar
elsku góði guð viltu láta fólk á íslandi hugsa fallega til öryrkja og vera gott við þá sem eru veikir
viltu láta fólk á íslandi fá hugrekki tilað standa með öðru fólki og vera gott hvert við annað

2006-01-19T02:51:00.000-08:00

á sama tíma fyrir utan lessubar á flórida voru tvær skutlur að ræða málin. þær voru sætar en önnur var í svörtum leðurbuxum og leðurvesti, vel í holdum var hún, en hin var náttúruverndarsinni og grænmetisæta og hún var klædd í gular plastbuxur og bleika plastblússu en var hún ekki vel í holdum, með hvítgula hárkollu og reykti, thess vegna var hún kannski svona mjó, þær voru að spekúlera í því hvort þær væru hrifnar hvor að annarri á meðan þær töluðu um hvað það hefði verið ömurlegt að vera í gagnfræðiskóla í georgía, því komið hafði í ljós að þær höfðu báðar verið í gaggó í georgía, það var ömurlegt, ömurlegir krakkar þar, ömurlegt viðh0rf, rosalegt statús kó og úrkynjun, leiðinda ömurlegur mórall, svo spýtti hin sú mjóa útí loftið, við erum n.k. pólítískir fugitive hér á flórida, sagði þá leðurstelpan, og áttaði sig á því innra með sér að hana langaði ekkert tilað sofa hjá stelpu frá georgía, það gat ekki verið spennandi, og hin áttaði sig líka á því, úff, ekki enn aðra stelpu frá georgía guð, gefðu mér eitthvað meira ævintýralegt, mig langar að sofa hjá stelpu frá kansas eða nebraska, ekki georgía enn og aftur, allar þessar lásí loveratrippi back then in highschool, brjóstalausar eða með of stór, aldrei milli, aldrei milli, í georgía, alltaf of eða van, og þessi leðurskvísa virtist vera of, og kannski var hún þá fulltrúi fyrir hinar þessar van, hugsaði grænmetisætan með sér og var hugsað til íslensku stelpurnnar sem hún hitti á náttúruverndarráðstefnunni fyrir nokkrum mánuðum síðan, sú var nú alveg spinnigal, en í raun, lásí lei, var bara að breiða yfir það hvað hún var lásí lei með spinnigal rugli og furðulegum kjafthætti, nei takk, aldrei að sofa aftur hjá íslenskri púðurdós, a.m.k. ekki náttúruverndarsinna, eða voru þær ekki allar náttúrverndarsinnar þarna í innúítasamfélaginu opp north, oh my god, stelpan í gulu plastbuxum geispaði, fékk sér smók, sá fyrir sér lonely night, ein í rúmi, æj, best að slá til, taka sjensinn, sofa hjá feitri leðurstelpu frá georgía, hún spýtti aftur og tók um upphandlegginn á girly, common dyke, lets go to a mótel, sagði stelpan í gulu plastbuxunum, í bleiku blússunni með hvítgulu hárkolluna - and they headed to a mótel not far away, bara labbandi því þær nenntu ekki að ræsa bílana enda vel fullar af bjór og voru einar af þeim sem snerti ekki á stýri eftir 3. við sjáum þær í myrkrinu ganga yfir götu sem engir bílar eru að fara yfir en girt er sama sem girt er með pálmatrjám svo langt sem augað eygir norður og suður, lengsta gata í veröldinni gæti maður haldið að þetta sé þegar maður labbar yfir hana um bláa nótt, mjúkt loft að koma við vangann - á mótelinu bíður: næturvörður sem miðar byssunni á prest x og mótorhjólatöffarann með fallega hármakkann - do you believe it do you believe it, will this become a menslaugther a explosions of shattering blood all over the reception or what - holly came from florida, sagði leðurstelpan þegar þær löbbuðu yfir götuna löngu afarlöngu, já ég veit, svaraði gula plaststelpan og henti sígóinni á götuna og dró útúr sér tyggjóið um leið og hún tosaði í hina hélt alltaf fast í upphandlegginn feita, henni þótti það gott -

2006-01-18T03:00:00.000-08:00

megi allri öryrkjar á íslandi verða auðugir og ríkir, megi þeir vera sjálfstæðir og óháðir velvilja og illvilja annarra, megi þeir efnast og njóta lífsins, fara út að borða, hvenær sem þeir vilja og langar til, lifa á góðum og hollum mat, klæða sig í falleg og glæsileg föt, búa í góðum húsum, hafa nóg pláss í kringum sig, sofa í góðum rúmum, njóta lífsins, elsku besti guð, viltu laga hag öryrkja á íslandi svo um munar

2006-01-18T02:32:00.000-08:00

hæ beibí, segir prestur x og tendrar eld í sígó hjá mótorhjólatöffara á hommabar á flórida, ertu ekki hættur að reykja, segir mótorhjólatöffarinn við prest, ég hélt að prestar væru allir hættir að reykja, ég reyki í laumi, segir prestur x, þú veist hvernig það er, það reykja margir í vatíkaninu, alltaf á fundum í bankaráðinu þar er reykt, þú veist, peningar og seðlar, fara vel saman, já, segir mótorhjólatöffarinn, ég hætti að reykja í fyrra en ég byrjaði að reykja í gær afþví ég varð fyrir smá áfalli þegar ég var að skúra stigaganginn heima, nú, segir prestur x, hvað gerðist, það var kona sem hrópaði á mig: hommadrusla, þú ættir að þvo eitthvað annað en gólf, einsog til dæmis hvað, spurði ég og leit upp, var að vinda tuskuna, til dæmis til dæmis.... ég vissi alveg hvað hún ætlaði að fara að segja, svo ég greip framí fyrir henni og sagði: leidí, mundu orð guðs, þú skalt ekki leggja nafn guðs þíns við hégóma, og þessi hér: það sem þú vilt að aðrir menn gjöri yður skalt þú og þeim gjöra, hún hélt áfram að öskra á mig en ég heyrði ekkert lengur í henni, ég er góður í að útiloka mig frá umhverfinu og hélt áfram að skúra, en þegar ég kom inn til mín, varð ég að fá mér sígó, eftir allan þennan munnsöfnuð í pínulítilli konu, hvað getur safnast saman af orðum inní einu svona hrógi sem á ekki langt eftir, en skiljanlega, 90 ár af uppsöfnun af ljótum orðum, þú verður að smala þeim út, og hvers vegna þá ekki framan í gæja sem er að skúra stigaganginn, prestur x sogar út sígarettureyknum svo bærist hárið á höfði mótorhjólatöffarans, það er notalegt að tala við þig, segir prestur x og leggur lófann á lærið á mótorhjólatöffaranum, þykir þér gott að búa á flórida, spyr þá mótorhjólatöffarinn, la, la, segir prestur x, ég gæti alveg hugsað mér að búa annars staðar, en hér er samt góð hommasena, ég fíla hommabarina á flórida í botn, segir prestur x, hommabarirnir í róm eru þó betri en fólk í evrópu er svo villt og óheiðarlega spillt á meðan við kanarnir erum heiðarlega spilltir og heiðarlega villtir, fattarðu hvað ég meina? nei, segir mótorhjólatöffarinn, ertu að gefa í skyn að þú sért mikið fyrir s og m, spyr svo mótorhjólatöffarinn og prestur x kinkar kolli, þú ert smarthed, segir hann, gaman að hitta smarthed hér á flórida, ég hélt að þau væru öll farin noður á bóginn á tímabili, alveg búinn að gefast uppá að hitta smarthed, i like you, segir prestur x og snertir laust vanga mótorhjólatöffarans, mótorhjólatöffarinn blæs frá sér reyknum á sama tíma og vanga hans hitnar, þetta er himnesk snerting, hugsar hann, og honum finnst sem það brenni undan lófum prests x, komum á mótel, segir mótorhjólatöffarinn, ljúkum þessu af, því ég þarf að fara með mótorhjólið mitt í viðgerð í fyrramálið og ég vil ekki vera illa sofinn þegar ég keyri í morguntraffíkinni, snjöll hugmynd, segir prestur x og kyngir munnvatninu uppfullur af stressi, ekki lent á svo notalegum og þægilegum sjens lengi, þetta er indælis piltur, hugsar prestur x og kastar sígóinni í gólfið og stígur svo á hana með leðursólaskónum, svoldið stressaður er hann líka fyrir því að sýna líkama sinn jafn fallegum eða myndarlegum manni og þessi mótorhjólatöffari er, í evrópu, nánartiltekið í róm, er ekki jafn mikil áhersla á líkamlega glæsimennsku einosg á flórida, og hann er alltaf hálf óöruggur þegar hann háttar með öðrum karlmanni í bandaríkjunum, þó hefur hann hvergi hitt jafn skilningsríkt fólk og þar, og notið betra kynlífs en í u.s, í róm, í róm eru augnablikin eldfim og djúp, dýpri en nokkurs staðar hér á jörðu, en á flórida vara þau lengur þótt þau séu grynnri en í róm, og þegar á heildina var litið, kunni hann alltaf betur og betur við augnablikin í flórida, þetta er prestur x að hugsa þegar hann tekur utan um axlir mótorhjólapiltsins hárprúða - hár hans minnir svo sannarlega á hárbrúskinn á honum jim sáluga morrison, svo líflegt, þykkt og liðað, já - er þeir ganga útaf hommastaðnum og útí dimma myrkrið á flórida, lykt af hita, mjúkum hita og dauf bensínstækja, einhver fuglahljóð, mótelið er hérna rétt hjá, hvíslar mótorhjólatöffarinn rámri röddu, ég elska þig beibí, hvíslar prestur x á móti, hann finnur það strax STRAX, að hann elskar þennan gullfallega pilt, ég er fulltrúi guðs hér á jörðu, hlutverk mitt er m.a. að leiða karlmenn saman með ást, binda þá saman með andlegum böndum kynlífs og ástar, þetta er mikilvægt hlutverk, og þó það sé vantmetið af mönnum er það aldrei ofmetið á himnum, ú ú, ú ú, heyrist í sléttuúlfunum í næturfjarska, ú ú, ú ú, við innganginn á mótelinu er kókmasín, prestur x stingur aur í raufina og dolla plompar niður kókmasínina, hann tekur utan um gufukalda dósina, opnar, sker sig smá á vörunum þegar hann sýpur af drykknum, hann finnur að mótorhjólatöffaranum þykir það fallegt hann skuli skera sig á dósinni, næturvörðurinn stokkar spilin sem hann hefur verið að handfjalta, hvað get ég gert fyrir the referan? spyr hann, það eru biblíur á öllum herbergjunum hér, bætir hann við, en prestur x segist vita það, ég er ekki kominn tilað lesa biblíunna herra næturvörður, enda kann ég hana utanað, hingað er ég kominn tilað svala fýsnum mínum, og binda saman karlmenn heimsins í einn heilan og óslítanlegan kærleikskrans, mótorhjólatöffarinn hlustar ekki, búinn að útiloka sig frá umhverfinu, augu hans mæna útí loft, mæna á the kókmasín, mæna á pínulitla sárið við varir prestsins, svo orð hans öll orð hans litast blóði og kossar hans væntanlega líka, næturvörðurinn læðist ofan í skúffu að ná í byssuna, myrkrið næturdimman er hvergi eins dimm og á flórida sem helgast af því að þetta er skagi umvafinn sjó báðum meginn, næturvörðurinn hugsar: páfi hlýtur að þakka mér með bónus ef ég drep þessa saurlífsseggi, og guð að koma fjölskyldu minni til aðstoðar á erfiðum tímum, það getur nú varla verið að ég lendi í elektróstól fyrir að myrða tvo homma, svo hlær hann með sjálfum sér og lófar handfangið á vopninu

2006-01-18T02:30:00.000-08:00

fegin fegin fegin, fegin fegin fegin, að byrjað er að rigna, en hví segi ég þetta og horfi um leið á regndropa breytast í snjó, úff, komdu rigning aftur, plís, fröken rigning

2006-01-17T09:23:00.000-08:00

nú voru tvö líkamsræktartröll að bindast hvor öðrum, annar fór á hnéskeljarnar: viltu giftast mér ástmaður?
hinn kyssti á handarbakið han og sagð:
já, auðvitað, elskan mín.
nú fara þeir niður í dómkirkju að panta brúðardaginn. þeir eru mjög fallegir og myndarlegir og það er góð lykt af þeim því þeir fara alltaf í bað eftir æfingarnar. þeir elska hvorn annan. þeir raka hvorn annan. þeir raka líka öll hár af líkamanum og svo setja þeir á sig brúnkukrem og ilmolíur. þeir segjast lifa í sátt við sjálfan sig. mæður þeirra munu leiða þá inn kirkjugólfið því báðir feður þeirra, skemmtileg tilviljun, eru í hjólastól, annar eftir sjóslys, hinn eftir bílveltu. eru þeir saman afþví að báðir feður þeirra eru í hjólastól? eru þeir hommar afþví báðir feður þeirra eru í hjólastól? raskar það karlmannsímynd að eiga föður í hjólastól? eru þeir kannski hommar afþví mæður þeirra eru mjóar, með fjólublálituð augnlok, sem þykir nú fallegt, þegar mánaskinið fellur á þökin og ljósin eru kveikt í stofunum og eldhúsunum og eitthvað rautt er í matinn, þá er fallegt að vera með fjólublálituð augnlokuð, eru þeir kannski hommar útaf því? þeir játast hvor öðrum og trítla niður í dómkirkju að panta tíma fyrir kirkjulega athöfn heitgöngunnar kærleiksríku, fegnir að þurfa ekki að panta jarðarför, einsog hommar voru mikið til að gera á níunda áratugnum, nei tímar breytast og bjartsýnin ríkir. önnur mamman ætlar að gefa þeim tjald í brúðargjöf, hin rauðan sportbíl. annar pabbinn ætlar að gefa þeim svefnpoka sem hægt er að renna saman, og hinn pabbinn gefur þeim þvottavél. nú eru þeir að tala við prestinn sem finnur handa þeim tíma fyrir athöfnina. presturinn er myndarlegur maður þó hann sé ekki hommi, með grátt í vöngum, svoldið glansandi augu afþví hann notar augnúða og er líka með ofnæmi fyrir köttum, og hann var á kattarheimili fyrir nokkrum klukkustundum að hjálpa fólki við að semja frið í einkalífinu. prestur getur ekki neitað að fara inná heimili þarsem eru kettir þótt hann sé með ofnæmi fyrir þeim. hann verður að sinna skylduverkum sínum sama þótt það kosti hann glansaugu, nefrennsli, kvef, þunga fyrir höfðinu og handskjálfta. og hann fær ekkert borgað aukreitis fyrir það, fulltrúi guðs á jörðu vill heldur ekki auglýsa fyrir biskupi sínum að hann sé með ofnæmi fyrir dýraríkinu. það er leiðinlegt fyrir hann að hósta svona á sköpunarverkið. en svo indælir eru kraflyftingapiltarnir að presturinn gleymir ofnæminu um hríð á meðan hann skrifar niður sálmana sem syngja á við athöfnina.
séra prestur, vonandi kemur svo að því að þú jarðir okkur, því þú ert svo kurteis og góður, við höfum aldrei hitt jafn kurteisan og góðan prest fyrr, segir annar kraftlyftingapiltanna.
einu sinni hittum við prest sem var svo vondur við okkur, en við skulum ekki tala um það, við höfum vanið okkur á að tala ekki um þetta vonda og leggja áherlsu á það góða í mannlífinu, heldur hinn áfram, og prestur kinkar kolli og segir:
það er einmitt þannig sem maður á að lifa, segir prestur og þurrkar sér í framan með vasaklút.
piltarnir taka í höndina á prestinum, takk séra, fyrir einstaklega góða þjónustu, svo leiðast þeir útúr kirkjunni svo brakar í gömlum viði í gólffjölunum. annar fær gæsahúð, afþví svona brak lætur hann fá gæsahúð, hinn langar að faðma hinn að sér því hann er svo glaður og hvíslar: úff, gaman væri bara að skella sér í herbergi á borginni (hótellið við hliðiná kirkjunni) í einn, ég elska þig, ég er brjálaður í þig, hvíslar hann, lágt, lágt, í kirkjunni. en presturinn stendur í kirkjuglugganum og horfir á hina ástföngnu kraftlyftingamenn ganga yfir götuna og í átt að rauða sportbílnum sem önnur mamman gat ekki beðið með að gefa þeim. presturinn hugsar, hann hugsar: ástin er eilíf, hann snýtir sér og þurrkar sér um augun, svo hugsar hann um gömlu prestana sem reyndu við hann þegar hann var ungur stúdent, en hann var aldrei svo skapi farinn að hann langaði að kyssa þá, hann langaði aldrei að kyssa kalla, en hann reyndi þó að kyssa einn en gat ekki sofið hjá honum afþví hann þorði ekki að standa sig ekki í rúminu gagnvart jafn gáfuðum manni og sá var og þess vegna sneri hann sig útúr því og sagðist vera með magapest, þegar sá leitaði eftir því að fá að sofa hjá honum. þegar það gerðist svo aftur, að sá kom að máli við hann og vildi sofa hjá honum, þá var hann í alvörunni með magapest og síðan þá hefur hann vitað að ef maður vill fá magapest á maður bara að ljúga því maður sé með magapest nokkru áður, og þá kemur það. svona var það. þessar magapestir, ein upplogin og önnur sönn, fældu þetta háæruverðuga gáfumenni frá honum, og hann var því alla tíð feginn. en kannski hefði hann bara átt að láta slag standa. kannski hefði það verið gaman. kannski hefði maðurinn skilið hann, getað náð honum uppúr minnimáttarkenndinni sem hann hafði gagnvart sjálfum sér sem kynveru. og þeir tveir myndu búa saman í dag, í staðinn fyrir mállausa konu sem var alltaf að reyna að hætta reykja, kannski var það líka honum að kenna að hún var mállaus, gat ekki hætt að reykja. æji, manú, hvað veit maður svosem hvað er best fyrir mann og kannski ekkert. nú eru kraftlyftingarmennirnir að elskast heima hjá sér og presturinn finnur það, hann finnur sláttinn í eiginn líkama, hann finnur það, svona einosg upploginn magapest sem gerist síðar, hann finnur lykt í eiginn höfði af ferskum brundi. oj bara, hugsar hann með sér og skelfur einsog hrísla í vindi.

2006-01-17T09:22:00.000-08:00

ástin er dásamleg á íslandi

2006-01-16T03:18:00.000-08:00

ástin tekur völdin í dómkirkjunni, ástin tekur völdin á íslandi, tveir kallar, fremur vel hærðir, samanbrýndir, dálítið yggldir, með mikið skegg báðir tveir, stórir og feitir, voru að giftast hvor öðrum í dómkirkjunni í gær, fyrrverandi eiginkonur þeirra brostu af gleði á fyrsta bekk og héldu utan um mömmur brúðgumana, tvær eldri dömur í gullskóm, þær vildu báðar fara í gullskó við brúðkaup einkasonanna sem hittust á kaffihúsi hér í reykjavíkurborg, þegar þeir voru að kaupa jólagjafir handa eiginkonunum, græna brjóstarhaldara, þó þá langaði ekkert að gefa eiginkonunum það, en voru búnir að gefa sig skyldurækninni á vald, einsog þeir viðurkenndu síðar, en eiginkonurnar voru fegnar að losna við þá, þær eru strax byrjaðar á sjens með mönnum sem segjast ekki vera hommar, fyrsta sem þær spurja aðdáendur sínar núna: ertu hommi, svo hlæja þær dátt því þetta finnst þeim fyndið, brúðgumarnir voru klæddir í íslenska þjóðbúninginn, annar með gullvasaúr, hinn með armbandsúr, mjög vel hærðir, já já, ástin tekur völdin in reykjavik city

in iceland the love is pure and natural

æj hvað tengdóarnar tvær voru sætar þegar þær leiddust á gullskóm báðar á eftir brúðgumunum útúr dómkirkjunni, svo komu eiginkonurnar fyrrverandi leiddust líka, svo komu vinirnir og frændfólkið, presturinn stóð eftir uppvið altarið stoltur og bjartsýnn um framtíð og framgang ástarinnar á íslandi

amor flýgur yfir eyjunni og hittir núorðið mikið beint í hjartastað afþví ástin er hrein og tær á íslandi, auðvelt að hitta beint í hjörtun útaf því hvað loftið er hreint og tært og ómengað splisssíjjj þjóta örvarnar úr boga amors beint í hjörtu sem finna til

ísland er búið að breytast svo mikið eftir þessar nýju áherslur á ástina

hrein og tær einsog mjöll er ástin á íslandi

2006-01-12T09:23:00.000-08:00

nú er búið að jarðsyngja nokkur skrímsli í dómkirkjunni þó dómkirkjan sé ekki mikið fyrir að jarðsyngja skrímsli, best að jarðsyngja þau í kyrrþey í einhverri kapellunni, kannski í fossvogi, það er líka ódýrasti möguleikinn á jarðarförum, kyrrþeyin, skrímsli eru oftast nær jarðsungin í kyrrþey og þögn, en nú var verið að gefa saman tvær konur í dómkirkjunni, undur fagrar eru þær,  fegurðardísir sem féllu hvor fyrir annarri á kaffihúsi hér í reykjavíkurborg, voru víst trúlofaðar köllum þegar þær hittust, unnustarnir fyrrverandi skilja þetta vel, því þær eru svo fallegar, og líkur sækir líkan heim, þeir voru líka alltaf svo óöruggir afþví þeir eru ekki beint fegurðardísir samkvæmt skilgreiningunni og hinu samtímarlega fegurðarmati, alltí lagi, þessar tvær dísir voru einsog klipptar útúr sameiginlegu ímyndunarafli vesturlandabúa um hvað sé fallegt, þótt auðvitað þetta sameiginlega ímyndunarafl sé auðvitað líka algjört feik og e.k. uppspuni að rótum, en þær ókey eru fallegar, eða snotrar, gúdlúking, og fyrrverandi kærastarnir sem kokkáluðust eru ágætir þó líði ekki yfir marga þegar þeir birtast, en þær tvær stelpurnar brúðardísirnar eru orðnar ansi vanar því að líði yfir fólk hvar sem þær birtast, en nú eru þær semsagt að ganga í hjónaband í dómkirkjunni, og fallegasti presturinn í landinu fær að gefa þær saman, mömmur þeirra og pabba eru ekkert agalega fögur en þau eru stolt af dætrum sínum, og líka að sjá svona tvær fallegar konur gefast hvor annarri, úl la la, það voru allir að brjálast í kirkjunni, grátandi margir og flössunum úr myndavélunum rigndi yfir þær, allir elskuðu þær og elska þær, þær eru svo sætar, önnur með tyggjó, óvart gleymdi hún að taka það útúr sér áðuren pabbi hennar leiddi hana undir arminn eftir dómkirkjugólfinu, í fallegum brúðarkjólum frá danmörku, undir öðrum brúðarkjólnum faldi sig pínulítill selur, allt í lagi, biskup grét af gleði uppí stúkunni, afþví hann vildi sjá þessa fegurð berum augum, og kirkjukórinn grét líka, fegurðardísirnar gengu útúr kirkjunni, smell smell í myndavélunum, beint útí hvíta límósínu, beint útá flugvöll í brúðkaupsferðalag til malaga, fimmhundruð hvít mótórhjól fylgdu þeim útá flugvöll, biskup var á einu mótórhjólinu í hvítum fötum, og fleiri mæta menn mátti sjá í hópnum, það er búið að finna útúr því að það er ekki Guð sem ákveður hverjir giftast, heldur fólk, einsog það er ekki Guð sem ákveður hvort að mála eigi húsið rautt eða gult, fólkið í húsinu ákveður það, það er loks búið að finna út hvað er fólks að ákveða og hvað Guðs, og þess vegna hópast nú skrímslin niður í dómkirkju að panta tíma -

2006-01-12T05:34:00.000-08:00

systir mín er alveg búin að skríða inní einhvern helli, hún heldur örugglega að hún sé skrímsli og skrímsli eiga heima í hellum, það er ekkert símabox í hellinum hennar eða gervitunglasamband þangað

skv stöðu himintunglanna á fólk að leita sér þekkingar á næstu vikum og vera rólegt í líkamanum og þurfandi í andanum, en gleyma sér ekki um og of í sjálfsfróun þó mælt sé með henni a.m.k. einu sinni í viku, segja stjörnurnar

eldri dóttir mín er búin að vera lasin, sú yngri vill líka ekki mæta í skólann þegar sú eldri mætir ekki vegna pestarinnar, ef að systir mín væri mamma þeirra mundu þær sjaldan eða aldrei mæta í skóla, en hún á heldur ekki börn og veit ekkert um uppeldi, hefur aldrei þroskast, getur ekki kennt öðrum rétt og rangt því hún þekkir ekki muninn, en hún sagði við mig um daginn, að ég væri ein sú besta mamma sem hún vissi um, og ég væri miklu miklu miklu betri mamma en ég gerði mér grein fyrir, ég hároðnaði þegar hún sagði þetta við mig, hún sagðist mundu tilnefna mig sem bestu mömmu í heiminum á óskarsverðlaunahátíðinni í mars n.k., ég held bara hún hafi nokkuð til síns máls en ég veit það ekki, ég verð pínu feimin þegar hún fer að tala svona, ég er líka menntuð í heilsugæslu og veit þegar fólk er ekki alveg í lagi, spyr mig stundum að því þegar ég hlusta á systur mína en ekki þó oft, þótt hún sé um þessar mundir að festast í skrímslaídentítííi, en það hefur heldur enginn vont af því að gera það í smástund í miðju skammdeginu

2006-01-12T05:33:00.000-08:00

kristallar allra tíma

2006-01-09T07:25:00.000-08:00

áðan sá ég fjóra menn ganga um í fínum frökkum, útaf restauranti yfir götu, í kasmírfrökkum, með fína trefla sem þeir fengu í jólagjöf, í glansandi skóm, nýklipptir, voru þeir einsog útúr bíómynd, ungir menn, úr hollywood mynd, að labba rétt hjá kaffi reykjavík, ég hugsaði: en hvað þá hefur dreymt um þetta lengi að geta verið í fínum fötum að labba um í lítilli borg, að vera mikill heimsborgari, og labba saman, við sömu götuna sem þeir fóru yfir var bekkur og þar sat þá skrímsli í risastórri kanaúlpu með hettuna vel yfir hausnum passandi sig aldeilis vel að láta ekki sjást í andlitið sitt, sneri baki í götuna, það gjóaðist aðeins í breiða hendi með sígarettu, eina hækju, svo var skrímslið sem faldi sig svona í úlpunni, vildi aldrei framar sjást, aldrei aldrei aldrei framar sjást, búið að lána koparstyttu rauðbrúna húfuna sína, svo styttan sem sneri að götunni var nú komin með húfu, fína húfu, sem skrímsli gaf henni, fjórmenningarnir í sæluvímu að labba í bílana sína, svona var það, kannski á einn þeirra einhvern tímann ekki eftir að vilja sjást, og örugglega allir, einhvern tímann, ég fann það svo vel afþví systir mín er líka skrímsli

dett í marga lukkupotta

2006-01-05T05:15:00.000-08:00

ég er búin að fá miða á tónleikana á laugardag, systir mín og bróðir eiga ekki miða, eða mamma og pabbi, og margir aðrir, ég datt aldeilis í lukkupottinn þegar ein kona á deildinni varð að selja miðann sinn, ég var einmitt búin að óska mér að komast á þessa tónleika og ekki bara það, þetta er ekki eini lukkupotturinn því ég datt í enn miklu stærri lukkupott í fyrradag þegar dóttir mín gaf mér safn af back to the future þáttum og það er nú toppurinn á tilverunni ég elska þessa þætti og hef unað mér við þá í vikunni

2006-01-05T05:09:00.000-08:00

skrímsli eru góð fyrir heilann, eftir að ég hef hitt skrímsli, og er ég nú prestur, er ég allur uppveðraður og hress, það er andlegt sturtubað, ég fer alltaf með stóra hunangsköku í heimsókn til skrímslis, það er alltaf gaman að horfa á skrímsli borða hunangsköku, gefandi, hjartnæmt og gaman gaman, skrímsli láta mann hugsa allt uppá nýtt og það er gott því við viljum gjarnan halda í að hugsa allt á sama hátt og alltaf, endurtaka hugsanir okkar einsog spólu, það er líka auðvitað góðra gjalda vert en öllu má nú ofgera sérsaklega í nútímaheimi hraða og spillingar á tímum getuleysis þegar hver höndin á eftir annarri hreykir sér af greddu en við vitum betur við vitum að maðurinn og mannshugurinn og mannshöndin eru svo svo takmörkuð einmitt einsog heimsókn til skrímslis lætur okkur finna fyrir, takmörkum okkar og í framhaldinu af því fyllist maður unaðslegri auðmýkt sem er akkúrat rétta smyrslið fyrir nútímalíf, en varast skyldum við að verja öllum okkar stundum í samveru við skrímsli

moli úr skrímsla-eulogy í dómkirkjunni

2006-01-03T03:28:00.000-08:00

"við vitum öll að skrímsli eru byrði á þjóðfélagið en þau eru byrði sem við viljum bera afþví þau gefa okkur svo mikið afþví þau hafa reynt það sem við hin fáum ekki að reyna og þarmeð fengið að skyggnast inní heim sem okkur hinum sem ekki erum skrímsli er og verður hulinn um ókomna tíð og þess vegna við umgengni við sæmilega gott skrímsli komumst við í snertingu við eitthvað andlegt, sem er svo gott fyrir okkur, í efnisheimi, skrímsli eru góð fyrir okkur að hafa þótt þau séu krefjandi og óþægileg, við elskum þau en við verðum líka að fá verðskuldað frí frá þeim, það þýðir ekki að vera með skrímslum alla daga, það gengi frá manni, skrímsli eru soddan orkusugur, en gott svona einu sinni í viku, að hitta skemmtilegt skrímsli, lífgar uppá tilveruna."

2006-01-02T11:07:00.000-08:00

söngur dagsins - textinn

2006-01-02T10:56:00.000-08:00

..."þrátt fyrir hvað skrímslið átti ljót föt og var illa til haft, oft andfúlt og óhreint, þá var alltaf gott að hitta það og eiga við það orð, því það gaf alltaf eitthvað af sér, þrátt fyrir allt, þetta skrímsli var hlaðið mannkostum þótt yfirborðið væri hreinræktað ógeð og gaman hefði verið að vera sá eða sú sem gaf því tannbursta og tannkrem í jólagjöf, en kannski hefði það aldrei notað þetta, kannski ekki, ef ég hefði gefið því sjampó hefði það bara verið útí hött og ekki vildi ég vera til að niðurlægja þetta sæta skrímsli með óþarflegum gjöfum..."

2006-01-02T02:55:00.000-08:00

við getum ímyndað okkur: kirkju, dómkirkjuna í reykjavík, verið er að jarða skrímsli, risastór er kistan svo allir viðstaddir viti nú að skrímsli er dáið, að skrímsli er verið að jarðsyngja en ekki eitthvert yndislegt peð, en enginn viðstaddra veit þó að jarðneskar leyfar skrímslisins rúmast fyrir í eldspýtustokk útafþví að öll skrímsli fá bálför, þó misjafnt sé hvort kista er höfð til sýnis eða fagurmálað duftker við útförina, sem fer fram í kyrrþey því skrímsli hafa ekki efni á öðruvísi jarðarför, en kistan fær að vera uppá punt, útfararþjónustan lánar hana, það eru til sirka 3 svona skrímslakistur í reykjavík, þær fara aldrei ofan í jörðina, þær eru bara viðhafnarkistur fyrir skrímsli því einsog við sögðum: skrímslin eru alltaf brennd, en nú er presturinn að flytja minningarorð: "við jarðsyngjum í dag stórt og mikið skrímsli, þetta var gott og sómasamlegt skrímsli þótt það væri skrímsli, það gerði ekki flugumein þótt það hefði mátt á stundum vera betur til fara og greiða sér og tannbursta sig, enda var það með margar skemmdar tennur þegar það dó en einsog við segjum alltaf: hver er að fara að naga gulrætur í himnaríki, það var með svo stóran munn sem rúmaðist ekki fyrir á tannlæknastofu, þó vissulega það væri ögrandi verkefni fyrir unga tannlækna sem alltaf sækjast eftir ögrandi verkefnum við að sigrast á hinu ósigrandi, gaman hefði verið að skrímslið okkar sem við jarðsyngjum nú hefði fengið tannlæknaþjónsustu hjá ungu tannlæknunum suður í tanngarði, hinni reisulegu stofnun háskólans sem má sín mikils og við nú þörfnumst öll þrátt fyrir heilbrigt líferni og góðan hug, en skrímslið sem við jarðsyngjum var hæverskt skrímsli, fór ekki fram á mikið, þó það gæti síst af öllu takmarkað át sitt, þetta var skrímsli, skrímsli éta mikið..."
presturinn er ekki að fara að hætta, því þessi prestur elskar að halda eulogy yfir skrímsli og meira síðar

2006-01-02T02:51:00.000-08:00

guð veri með okkur öllum í dag

2006-01-02T02:36:00.000-08:00

gleðilegt ár

gaman var um áramótin því ég var að vinna og fór svo og hitti systur mína og vinkonur hennar, við gengum á landakotstún og stóðum þar augnablikið þegar ártölin mættust

dætur mínar voru hjá pabba sínum um áramótin, stjúpdóttir hans dró eldri dóttur mína út á lífið, eða kannski að pabbinn hafi skipulagt það, því hann er mikið fyrir það að tengja fólk og láta ókunnuga kynnast, helst af öllu hefði ég viljað vera með dætrum mínum á nýjársnótt, en auðvitað eiga þær líka pabba, en ég vil vera aðalatriðið í lífinu þeirra, auðvitað, enn sem komið er, ég meina, á meðan þær eru ekki orðnar ungar konur, ég elska að vera mamma þeirra og það er líka gaman, þær eru dásamlegar

við systurnar sungum elvisarpresleylagið suspicious minds saman í karaoke á nýjársnótt

2005-12-29T07:54:00.000-08:00

í gærmorgun fór ég með bílinn minn í viðgerð eldsnemma klukkan 8 en enginn gat komið með mér og keyrt mig þannig heim, ég tók leigubíl en ég hafði beðið systur mína en hún svaraði því ekki, svo ég bað hana ekki aftur en klukkan hálf3 um daginn vissi ég að bíllinn yrði ekki tilbúinn þann daginn og hringdi í systur mína að biðja hana um að keyra mig í vinnuna klhálf4 en þá var hún að keyra mömmu okkar heim úr vinnunni, sagðist vera að renna inní hafnarfjörð en ég spurði hvort hún gæti komið svo og náð í mig en hún sagðist vera í pásu frá sinni vinnu, hádegispásu en ég bragst ókvæða við, sagði: aldrei er hægt að gera mér greiða þegar ég bið um en hún sagði mér að hringja í bróður okkar en ég sagði að hann væri í hafnarfirði en hún sagði mér að hringja í pabba okkar, ókey, nei, hann er í vinnunni, sagði ég, hún sagði mér að hringja í minn fyrrverandi mann, nei aldrei, en taka leigubíl gat ég ekki átti ekki fyrir því en ég varð brjáluð, systir mín ömurleg lásí leiðinleg aldrei hægt að gera neitt fyrir mig en ég er ekki búin að hringja aftur í hana en hún hringdi eitthvað í mig 2 mínútum eftir samtalið að reyna að róa mig en það tókst ekki, bauðst tilað borga inná mig, osfrv osfrv, ég hringi ekki í systur mína í bráð en mamma segir að við megum ekki gera lífinu það að vera ósáttar

2005-12-27T09:45:00.000-08:00

um sýfilis

2005-12-27T09:15:00.000-08:00

systir mín segir að hún sé skrímsli sem gott sé að elska, að hún búi í helli sem notalegt sé að vera í, að ástin hennar sé prinsessa, að prinsessan sé ekki fangi skrímslisins en að skrímslið sé fangi afþví það sé skrímsli, að öll skrímsli séu fangar, það sé ekki beinlínis auðvelt fyrir skrímsli að labba eftir götu með sitt langa skott og sinn stóra munn sem allt í einu spúi eldi, það sé erfitt að hafa stjórn á eldinum en hún sé þá bara meira inní sínum helli, að horfa á eldinn sem hún kveiki stundum uppí, og á prinsessuna dansa, og skuggana af dansi prinsessunnar, skrímslið sofni við flöktið í þeim sem eru svo svæfandi fyrir augnlokin, skrímsli eru með þung augnlok sem erfitt sé að halda opnum, skrímslið hún systir mín, ef hún fer í kringluna í dag mun kannski kringlan brotna undan þunga hennar, ef hún fer niður laugaveginn mölvast nokkur hús, svo hún heldur sér bara inni þótt hún sé svöng og dreymi um að steikja fisk á teini á eldinum sínum, fiskamatur hefur góð áhrif á skrímsli, þau róast og eru ekki nærri því eins uppivöðslusöm á eftir, skrímslið hún systir mín, þegar við vorum litlar var ég meira skrímsli en hún ef ég á að segja, alveg einsog er en nú er hún einhverra hluta vegna orðin meira skrímsli en ég, þetta er víst eitthvað sálfræðilegt atriði með systur, skrímslasystur sem skiptast á um að vera meira skrímsli en hin, svo veit ég ekki meir

2005-12-27T08:58:00.000-08:00

systir mín gaf mér teketil í jólagjöf, hún segist ætla að taka hann tilbaka ef ég noti hann ekki, hún gaf mér líka telauf, tepoka og hunang, hún gaf einnig dætrum mínum skemmtilegar og áhugaverðar gjafir

ég var í svo fallegu pilsi um jólin og aðdáuninni rigndi yfir mig, allir elskuðu pilsið og mest mig

ég nenni ekki að lesa þessa dagana, fékk mary higgins clark lánaða í gær, í von um að ég gæti kannski lesið hana, en ég er í óverðskuldugu fríi frá íslenskum fagurbókmenntum, því miður, hvað er að mér

systir mín segir að ef hún ætti eiginmann mundi hún ekki fara fram á minna en hálfa milljón króna jólagjöf, pabbi gaf mömmu mjög falleg leðurstígvél

hún segir líka að allar mæður séu hafnar yfir gagnrýni

hún segir að ég og mamma séu verðlaunahafar í móðurhlutverkinu á heimsmælikvarða sem mæður

nú hefur ekki rignt í 2 klukkustundir samfleytt og eyrun hafa ekki enn vanist því að heyra ekki í regninu sem hefur runnið stanslaust úr skýjunum í 4 daga

smá pása

2005-12-20T10:17:00.000-08:00

systir mín sagði að bróðir okkar hefði beðið hana um að segja mér að hringja í hann og ég hringdi og hann sagðist aldrei hafa beðið systur okkar um þessi skilaboð, úff, stælarnir

2005-12-20T10:04:00.000-08:00

blinded by the chrismas light

jólaklukkurnar klingja frá nærliggjandi kirkju rétt í þessu

mér finnst sem herramaður sé að bjóða mér upp, hann er í svörtum fötum og jakkalafið er margra metra langt svo langt að það sér ekki fyrir enda þess
svo er hann með svarta hanska og þegar hann tekur þá af sér er hann býður dömunni uppí dans eru hendur hans veiklulegar, fölar nærri því bláar og með rauðbrúnu naglalakki og skreyttur er hann hring með fallegum steini, hann hneigir sig djúpt og virðulega, í augunum hans glitrar eitthvað sem líkist demanti og þegar hann opnar munninn er röddin úr flaueli og orðin úr gulli, þau eru einosg tunga sem sleikir hjartað mitt svo mjúk og falleg og nú býður hann mér upp, takk herra, segi ég og stíg í dansinn, við dönsum, ég er einsog kontrabassi í fangi hans nema liðugri og hann er einsog eðla sem heldur utan um mig nema ekki fötin hans eru úr hrjúfu flaueli, i love to dance with you, segi ég og lygni aftur augunum í fangi hans og hann segir, ég ætla að gefa þér fallegstu eyrnalokkana sem til eru í færeyjum, svo lokum við augunum, afþví við erum bæði gráti nær, og þá er betra að hætta að dansa, við hneigjum okkur hvert fyrir öðru, einosg prinsar og prinsessur gera á hallardansleik, og göngum sitt í hvora áttina, no harm done, no hard feelings, bara pínulítil nál í hjartanu sem finnst ekki

æargggggaææææægaeeeg svo kemur skrímsli inní höllina, tekur upp dansherrann minn í lúkuna og gleypir hann og annað skrímsli, vinarskrímsli hins, kemur hinum meginn að, grípur mig í lúkuna og gleypir mig lsdjfskdfwefsæææaæææsdæfwefaææ öskra skrímslin uppyfir sig að fara að gleypa fleiri sem þarna eru staddir í ímyndun minni dslfjaWLEFASDÆASDFJCVV

arg arg garg arg ælkjdflækasdjfwðefjsadvv

annað skrímslið er að draga í sér jakkalafið einosg langan lakkrís ú hvað það er endalaust langt þetta jakkalafur

nú dönsum við í mögum sitthvorra skrímslanna
það er bara fínt
það er bara stórfínt

argggsdgajskdgwegegasævgsjvkææææææ sdjweifjasdlkvasjkævj  

ég sendi landsmönnum bestu kveðjur með laginu blinded by the chrismaslight, best að fara útí búð núna og sjoppa, ég  e l s k a að kaupa

2005-12-20T09:56:00.000-08:00

ég ætla sko ekki að stressa mig á jólunum, ég hef ekkert bakað og kannski mun ég ekkert baka, ég er í jólagjafainnkaupum, það er kapítuli útaf fyrir sig sem ég elska elska elska kaupa kaupa kaupa verst að ég er að reyna að lifa kreditkortslausu lífi, við systurnar, en hún er þó farin að nota sitt - rosalega mikið, úr gulli, en ég ætla sko ekki að stressa mig, olræt

2005-12-20T04:18:00.000-08:00

margir í fjölskyldu minni eru með kaupæði ég þ.á.m. sem þýðir að við elskum að kaupa og verðum betri manneskjur af því að fara útí búð og versla, koma þaðan með eitthvað sem við höfum sett í töskuna eða pokann, og elskum að borga fyrir vörurnar fullum fetum, elskum að eiga í samskiptum við kaupmann, elskum að koma heim með dót svo nú er góssentíð fyrir mig og fleiri í fjölskyldu minni
fyrrverandi bóndi minn var líka svona og þess vegna áttum við svo vel saman á tímabili
systir mín þarf ekki annað að hlaupa útí búð og kaupa flatkökur og hún eflist við það lífsþrótti, það er líka gaman að kaupa á netinu, segir hún, eiginlega hrein unun, því við það bætist þrillið sem kemur þegar við fáum p a k k a

ástin er alls staðar líka í pökkum i love everything